Parlamenterê HDP yê Dersimî Alîcan Onlu, roja Çarşeme seatanê şanî de teyaregehê Esenboga yê Enqera de ame binçim girewten. Onlu ke derheqê ci de qerarê ‘bi zorî bîyarê’ estbi berdîya Amed û vizêr seatanê sodir de prosodurê fermî ra dima serbest veradîya.
Mehkemeya Cezayê Giran ê Amedî ya 2. 13ê Kanûne de çarçoveyê “Dawaya Pêroyî yê KCK” de derheqê 8 parlementeranê HDP de qerarê ‘bi zorî bîyarê mehkema” da. Çarçoveyê na qerarî de parlamenterê HDP yê Dersimî Alîcan Onlu şewa verî teyaregehê Esenboga de ame binçim girewtiş. Çîyo ke hayr anceno no yo ke teyareya ke Onlu mîyan de bi bado ke seba ke şiro Elezîz berz bî, bi behaneyê ‘xirabîya hewa’ peyser agêra.
Bado ke teyare peyser agêra Onlu ame binçim girewtiş. Onlu seba kar û barê fermî berdîya Amed û dima ra serbest veradîya.
ENQERA / AMED