Hemşaredarê Norşîn û Melezgîrt girotîyay bin çiman. Riha, Mûş û Bêtlîs vizêr bi sereştişanê polîsan aya bî.
Seatanê sodir de polîsî bi wesayîtanê zirxî û kutikan eştî ser şaredarîya DBP yê Hewagî ser, gurekaran eştî teber û geyrayişî viraştî. Geyrayişî ra dima seba cipersyayişê ewreqan odeyekê seba mufetîşan abirnîya.
Melezgîrt û Norşîn rê ablûqa
Jew cayo bîn ke sereştiş virazîya qezaya Mûş Melezgîrt bi. Sereştişî ra dima Hemşaredar Halîs Coşkûn girotîya bin çiman.
Qezaya Bêdlîs Norşîn de zî polîsan eşt şaredarî û keyeyê hemşaredaran ser. Netîceyê sereştişî de Emîn Ozkan û Senayet Ata ra pîya îdarekarê verên M.Siddik Taşdemîr girotîya bin çiman.
NAVENDÊ XEBERAN