Artêşa tirke ya îşxalkere perey bi tewrbîyayîşê xeylêk yewîyanê taybetan herêmanê dewanê Dêrxûst, Cinezur, Sîsê, Huseynik, Firdês û Pîrikî yê Licê ya Amedî de operasyono leşkerî da destpêkerdene. Çarçewa oparasyonî de rayîrê nê dewan de nuqtayê kontrolî ameyî ronayene. Badê qedîyayîşê operasyonî dewe û dewekan de cigêrayîşî ameyî kerdene. Nê demê Korona de ke heme cayan de tedbîrî yenê girewtene rîyê operasyonan ra şarê herême qerqilîyeno.
Hemwelatijanê ke vera operasyonan hêrsê xo ard ziwan vat nê demê nêwşîya Korona de hem kontrolan cigêrayîşê serê ma hem zî sereştişê keyeyanê ma semedê ma rîsk o. Êke operasyonî wina dewam bikerê beno ke tîya de vîrus zaf vila bo. Rixmo ke vera nêweşîye tedbîrî ameyî girewtene operasyonanê leşkerî de cigerayîşan de temas yeno kerdene. Ganî operasyonê leşkerî, cigêrayîş û sereştişê keyeyan cade bêrê vindarnayene.
AMED