Yew kênaya delal. Kênaya Dersîm. Kênaya Kurd.
Wehşeto ke faşîstanê tirk yên girêdayê AKP’ya tirkperest ard ser Ozgecan, zereye ma veşa. Hêş sere ma de nêmend.
Çîyo ke ameye sere Ozgecan, eynî çîyê Şengal de ameyê sere 4 û 5 hezar Kênaye Kurdê Êzîdî.
Kam Şengalê de no wehşet kerd?
Çeteyên DAÎŞ’ê T.C.
Kam wayîr û sermîyanê DAÎŞ’o?
Dewleta AKP. R.T.Erdogan, A.Davutoglu, Hakan Fîdan, Yalçin Akdogan, Necdet Ozel û Efkan Ala…
Wehşeto ke Şengal de bi, berpirsyarê pêronê no wehşetî AKP û aye ke rayê xo dayê AKP’yê.
Kurdistanê de, cayê bîn de û ça de tecawuz benê, pê nê tecawuzan de AKP esta.
Xo ra, R.T.Erdogan 2006 de vatibi: “Qij(tut, domam, gede, leyîr…) benî, cinî benî pirodenê bikişênê”.
Uca ra pê, hema hema her roj cinî bi giranî hetê esker û polîsê tirk, çeteyên AKP ra yenî tecawuzkerdiş û yenî kiştiş.
Esker, polîsê tirk û çeteyên AKP tena tecawuze cinîyan nêkenê. Tecawuzê qijanê(domam) Kurd zî kenî.
Çend hebî nimûnê hinayê.
1-Esker, polis û gardiyanê AKP zîndanê Pozantî, Sîncan û Ceyhanê de îşkence û tecawuzê qijanê Kurd kerd. Qet ne yew esker, polis û gadîyanê AKP nêameyê mehkemekerdiş, ne zî înan ra hesab ame perskerdiş.
2- Amed de polîsanê AKP Faruk Balcioglu, Adnan Çîrkîn, Orhan Koç û Yakup Bagraç 2 serrê tecawuzê 3 qijanê Kurd kerd.
Înan hesabê tecawuze nîda.
3-Edene de 2 polîsê AKP yê bi name D.T û H.Î tecawuzê kênaya Kurd kerd. Her 2 polîs ameyê mehkemekerdiş. La mehkema AKP beraat da 2 polîsê tecawuzkar yê AKP.
4- Qeze Çewlîg Bangilon(Solxan) de 8 subayê tirk 3 serrî tecawuzê kênaye Kurd kerd. 8 subayî zî ameyê veradayîş.
5-Mêrdîn de 31 subay, polis, esker û memurê tirk tecawuzê kênayê Kurd ya bi name N.Ç kerd. Pêronê tecawuzkaran rehet rehet gêrenê.
5-Qeze Mêrdîn Mîdyadê de memur û melayê AKP’ê tecawuze qijê Kurd kerd. La no tecawuzkar zî rehet rehe gêreno.
Kam fermanê tecawuz dano, kam tecawuz û bênamûsî keno, bi nê nimûneyan zelalo.
Pê pêronê tecawuz û wehşetan de AKP esta. Rayedarên AKP estî.
Kurdîstan de hetanê AKP bibo ê tecawuz, wehşet û dagirkerî dewambikero.
Tena yew rayîr esta. A rayîr zî aya ke gera şarê kurd, AKP Kurdîstanê ra bi qewirno.