Hemverê pankarta “Her ‘Ya’yeke semedê Şêx Seîd û embazanê ci yew fatîha ya” ke AKP çarçoveyê kampanyaya ‘Ya’ de Amed de aliqna, yew reaksîyon zî Parlementerê HDP yê Çewlîgî Hişyar Ozsoy’î ra amê. Ozsoyî aliqnayîşê pankart zey ‘Diriyîya AKP’ biname kerd û aşkere kerd ke zey malbata Şêx Seîdî ê paweyê efû yê.
Ozsoy’î derheqê babed de meclîsî de kombîyayîşê çapemenî viraşt û derheqê babed de qisey kerd. Hişyar Ozsoy’î vist vîrî ke, nifşê 4. ra o tornê Şêx Seîdî yo û aşkere kerd ke na babed zey malbatî înan şikite.Parlementerê HDP ard ziwan ke, rîwalo ke AKP anketan de netîceyo ke pawena nêgiroto, hewl dana ke pê (bi) kampanyaya hîle, manîpulasyon û diriyîye netîce bigîro.
Nêdîyayîşê kesê ke panqart aliqnay balkêş o
Ozsoy’î vist vîrî ke Serokîna Sûka Amed yê AKP ewil panqarta “Her ‘Ya’yeke semedê Şêx Seîd û embazanê ci yew fatîha ya” aliqna, dima ka vatî “Ma nîkerd, ma cipersayîş kenê” panqart wedarnay. Parlementerê HDP ard ziwan ke yew cayo ke îstîxbaratê dewlet hendayî zaf o de, nêdîyayîşê kesê ke panqart aliqnay balkêş o. Hişyar Ozsoy’î aşkere kerd ke derheqê babed de, zey malbata Şêx Seîdî, ê paweyê îzahate û efû yê.
Ser vîrarden û mîrasê Şêx Seîdî polîtîkayê leyminî
Ozsoy’î vist vîrî ke, nifşê 4. ra o tornê Şêx Seîdî yo û aşkere kerd ke na babed zey malbatî înan şikite û hina va: “AKP seba vînayîşê mezelê vinî yê Şêx Seîdî qe teba nîkerd. 15 serran ra dima, arefeyê referandûmî de, vîrarden û mîrasê Şêx Seîdî seba kampanya xo bi hawayêko bêexlaqî û leymin kar anê.”
Parlementerê HDP yê Çewlîg û merdimê Şêx Seîdî Hişyar Ozsoy’î bi vatişê “Şima kesê ke hewl danê mîras û vîrardena Şêx Seîdî rê wayîr bivejyê rê dawa akenê, la heto bîn ra zî şima mîras û vîrardena Şêx Seîdî ser o kampanya leymin danê ramiten” bîyayîş rê nêrazîbîyayen damûsna.
ANQARA