Tevî ku çete bi çekên giran û hemû hêza xwe êrîş dikin jî, lê li ber bersivdayîn YPG nikarin xwe bigrin. Çeteyên DAIŞ'ê ji aliyên başûrê herêmê ve çar caran êrîş pêk anîn û rastî bersiva şervanên YPG'ê hatin. YPG'ê li navendeke çeteyan çalakiyek lidar xist.


Şerê li sê eniyan didome
Li taxa Kaniya Kurda şervanên YPG'ê li hemberî çar êrîşên çeteyên DAIŞ'ê şer kirin û di encama şer de 15 çete hatin kuştin.
Li Girê Miştenûrê di navbera hêzên YPG'ê û çeteyên DAIŞ'ê de şer û pevçûn çêbûn. Li gor agahiyan YPG'ê nuqteyeke komên çete armanc girt û di encamê de 8 çete hatin kuştin. Şerê li herêmê bi hemû dijwariya xwe jî dewam dike. Li ser riya Heleb û gundê Termek pevçûn şer û pevçûnên dijwar dewam kirin û di encama şer de 10 çete hatin kuştin û tirimbêleke çeteyan hat rûxandin. Hêzên YPG'ê li dijî nuqteyeke komên çete ya li rojavayê herêmê çalakiyek li dar xist, li vir jî komên çete paşde vekşiyan û hejmara kuştiyên çeteyan nehatiye zanîn. Komên çete bi alîkariya digrin ji sê aliyan ve bi tank û çekên giran êrîşî Kobanê dikin, şervanên YPG û YPJ jî li hemberî wan disekinin û êrîşên wan dişkînin.

KOBANÊ