Akademîsyen Nurîye Gulmene û Semîh Ozakça ke bi Qerarnameyê Hukmê Qanûnî karê xo ra ameybî îxraçkerdiş û dest bi grevê vêşanî kerdbîy, grevê înan kewt roja 68.
Seba Ozakça û Gulmene akademîsyenê ke surgin de yî bajarê Parîsî yê Fransa de çalakîya piştîdayîşî viraştî. Çalakî rasteyê Repûblîqûe de dest pêkerde. Ser nameyê grûbe îzehetêk ame wendiş û bale ancîya ser hêrişê îqtîdarî ser. Çalakgeran waştî ke karê her di akademîsyenan wa peyser bidîyo înan. Akademîsyenan dima ra bi rayîrê Skype Nurîye Gulmene û Semîh Ozakçayî reyde qisey kerdî. Gulmene va ‘ez şima hemeyan silam kena, ma do têkoşînê xo bidomnî’. Ozakçayî zî sipasîyê xo înan rê kerd û qerardarîya xo nîşan da.
ANF/PARÎS