Di merasîmê de Serkreterê Partiya Çep a Kurd li Sûriyê Mihemed Mûsa axivî û diyar kir ku herêm di rewşeke hesas re derbas dibe û got ku îro pêkhateyên Rojava nexşeriya bi ronî destnîşandikin û bi keda şehîdên xwe rêveberiya xwe îlan kirine. Mûsa, da zanîn ku wan pêşinde dizanîn ku heger gelê kurd û nûnerên gelê Sûriyê de tevlî civîna Cinêv-2 nebin dê civîn têk biçe û tiştekî bi xwe re neyne.


´Divê em bibin yek´
Mûsa, got ku ew ne li dijî koalîsyona opozisyonê ne û got: ‘’Em ne bi tu awayî li dijî koalîsyonê ne, heger koalîson mafê kurdan qebûl bike, lê koalîsyon bi tu awayî hebûna kurdan qebûl nake.’’ Mûsa bang li hemû partiyên kurd û aliyên siyasî kir ku xwedî li rêveberiya xweseriya demokratîk derkevin. Piştre Endama Partiya Çep a Kurd Rûken Hesen axivî û da zanîn ku vekirina navendê dê her dem ji bo xizmeta welatiyan vekirî be. Rûken, da zanîn ku gelê herêmê rêveberiya xweseriya bi derfetên xwe damezirandiye û bi xwe xwe bi rêxistin dikin. Di berdewama merasîmê de li ser navê PYD’ê Hemîda Hisên û li ser navê Partiya Demokrat a Kurd a Sûriyê Ismaîl Hecî Ferhan axivî û vekirina navenda Partiya Çep li endamên Partiya pîrozkirin. Di merasîmê de helbestvanê Kurd Hozan hilbest pêşkêş kirin.

TIL TEMIR