Ewro na babet tewr zaf ke yeno qiseykerdiş a. Ma çiqas ke hêriş vîneno o dem yeno vîrê ma. Ganî pawitişê cewherî serê ra mezgî ma de bibiya. Hêrişê dişmen nê rocan zaf bîyê. Ma fam kenê ke pawitişê cewherî nêba cuyayîş çîno, ziwan çîno, çand çîno, çew çîno.
Tawo ke ma vanê pawitişê cewherî, ganî tenya yewe kom, mordemîy bi tifing nêbê vîrê ma. Heme ganîyêy pawitişê xo kenê. Coka ma nêşkenê vacê “nê karê ma nîyo. Ma kilam canê, ders danê, komun virazênê” Seba ke ma babetê xo tay abikê, ma eşkenê ser ganîyêy bîn vinderê.
Ma nêzane çî ma pawitenê
Rayver Apo finakê gule dano, finakê ganîyêke yew hucreyî dano. Pêro pîya, her yew xo pawitênê. Qey ma xo nêpawitê. Gule seba, mordem aye cira keno. Xo nêverdena, teslîm nêbena. Telî xo nêrijna. Qey(çira) çîyê ke ma pawitenê ra fek verdê. Rey rey ma veradanê, rey rey zî ma nêzane çî ma pawitenê. Tawo ke ma şirê komela xozayê, belkî ma bizanê çîyo ke ma pawitenê. Ma vînê dîrok ra, tarîx de mordem sifte pawitişê xo bi kemer, bi veng bi destê kenê.
Ma bi rayvistiş nêyî
Raşt o, la çîyê ke mordem bêro, kemer dest xo girewtişê, bêro veng vetişê hişmendîyo, fikir o, bawerkerdiş o. Yanê ma eşkenê vacê ke verî her çîyê pawitişê xo bi hîskerdiş, fikiryayîş, peynî de zî bi komelbîyîş viraşta. Yewbînî hîskerdiş, bi ameyîşê hetê yewbîn pawitişê cewherî yeno destnayîş pişo (destpêkerdiş). Seba na ganî ma xo bizanê, ma xo vîr ra nêbikerê. Ewro ma tenya tifing girewtiş fêm nakê pawitişê cewherî ra û no zî nêkenê.
Çimkî ma bi rayvistiş nêyî. Bi rayvistiş sifte hîs de yo. Modernîteya kapîtalîst bi ezezî, na ma de nêerzo an zî zaf hendik keno. Ma ser de na nêvirazê dima ra hişmendî ganîyo an zî zanayîş û dima ra zî kerdiş yeno. Nê hîrê çira ma dir yewbîn ra nêbeno yew? Tawo ke na nêbê viraştiş, ma nêeşkenê xo, şarê xo bipawitenê.
Ma eşkenê verê hêrişê dijmin xo bipawitenê
Ma vat karê pawitişê cewherî nêtenya karêy yew kome ya. Ganî heme kes xo, tarîxê xo bizana, heme kes dişmenê xo bişinasna û heme kes fîzîkî zî û şarê xo bi pawitenê.
Gama ke zanayîş, hîskerdiş estbî rayvistiş koke de bi qewet yeno viraştiş. O dem verê heme taxê de, verê heme keyê de ma rihet eşkenê ciwananê re nobetê bipişde (bê tepiştiş). Ma eşkenê tawo ke yew cenî mêrdê xo ra pêrodayîş werd, teda bivîna verê ci pişide û na hal bibedilnê. Reyna tawo ke gerîla amey kiştiş, şarê ma amey qetilkerdiş, birrê ma amey veşnayîş. Ma eşkenê herinda ci de warizê ser pay. Sera xo bikerê ra. Ma eşkenê verê hêrişê dijmin xo bipawitenê.
Na ma ra dana vînîkerdiş
Ewro ma pawitişê cewherî ra ver mîtîng û partî de cîgerayîşê merdimê ma ser fam nêkenê. Belkî na zî ganî yo, la pawitişê cewherî nê hende teng û rihet o. Tawo ke pawitişê cewherî amey famkerdiş, sîyaset de zî, pratîk û qiseykerdiş de zî fikrê tewr raşt keno teber. La ma ziwan de zî, çandê xo vîr ra kenê. Dima ra ma verê dişmen şarê xo erjeyêy xo vîr ra kenê. Ma seba ke şer kenê, xo vîr ra kenê. Na ma ra dana vînîkerdiş.
Ma nêvinderê ke dismen ma bi pawitenê
Tewr peynî de ma eşkenê vacê ke, telîyê gule ayê pawitena, gule teslîm nêbena, la belê mordem eşkenê aye ci ra bikerê. Çimkî amûrêy mordem estîy, hişmendîyê mordem esto. Finak, mordem eşkeno kuling, bêrik bianê û kokê ayê waznê ra. Na ya ma zî bizanê ke tawo ke amûrêy ma, hişmendîyê ma yê dişmenê hendikêrê ba, ma xo ver zî bidê ma nêeşkenê firaz bi, qezenc bikerê. Verê her çî ganî pawitişê xo bêro zanayîş. Na zî hişmendîyê xo hîskerdiş o û amûrêy xo xurt kerdiş, berzkerdiş, ra beno. Ganî ma nêvinderê ke dismen ma bi pawitenê. Ma nêvindê ke dismen fîzîkî Rayverê ma azad keno an zî nê. Dismen wazeno ma çînbikerê. Coka ma 24 saet xoverdayîş bi rayvistiş berz bikerî.
ZULEYHA YILMAZ