Bajarê Îraqî Hewlêr de 20 serrî verê bi waştişê îstîxbaratê tirkî, PDKyî nizdîyê 100 kesê ke mîyanê înan de birîndar û cinîyî estbîy, qetil kerdbî. PDKyî heta nika derheqê nê qetlîyamî de malumatêko hîra nêdayo û derheqê cenazeyan çîyêk nêvato. Pêşmergeyêk ke 20 serrî verê şahidîya nê hedîseyî kerdo û nêwazeno ke nameyê xo bido, babete ser o qisey kerd. Pêmergeyî wina va: “Ez o wext ewja de wezîfedar bîya, wexto ke cenazeyan ardî tayê pêşmergeyan erşawitî ewja. Cenazeyî bi kamyonetan ardî ewja. Cenazeyan bi çarşef û kîlîman pîştbî. Mi rîyê înan nêdî, labelê yew bi yewe înan ewja de defin kerdî. Mi nêzanayêne cenazeyî aydê kamî bîy, labelê dima ra pêşmergeyan mi ra va yê PKKyîyan o.” Pêşmergeyî dewamê qiseykerdişê xo de va ‘aye roje 20 ra zêde cenazeyî tîya de ameyî definkerdiş’ û wina dewam kerd: “O wext ewja goristan nêbî, tena çend mezelî ewja de estbîy. Dima ra ewja kerdî goristan. Nika qeydê heme kesan destê înan de esto. Dima ra ewja bî meydanê teyareyan.
Şehîdî yad bî
Heto bîn ra Bajarê Stockholmî yê Swedî de merasîmê yadkerdişê şehîdê aşma gulane ame viraştiş. Merasîm de sozê berzkerdişê şehîdan ame dayen.
Sûka Almanya Hannover de zî de Şerwanê YPJyî Zozan Botane (Fehîme Yaman) û Hîndistan Penaber (Hîndîstan Yuksek) zî ameyî yadkerdiş.
ANF/AMED