Azad ARARAT
Surîye de se beno? Ameyox do senîn bo? DAIŞ şenik-şenik yena çin kerdene. Badê do senîn bo? Statûyê kurdî do senîn bo? No het ra eke merdim persan biperso, persî benê zêde. La nê rojan de çîyêk bale ant xo ser. Badê damusnayîşê dewleta Surîye ke tede ge-ge tehdît estbî, îdarekeranê rojawanij jî damusnayîş dayêne. Vatêne: “Ma amade yê ke dewlete reyde pêdîyinan virazê.” Badê zî yew heyetê rojawanij şî paytexta Surîye Şam. Xeberê ke uca ra yenê baş ê. Xeberî hêvî danê merdimî la ganî dewlete ciddî ba û ameyox de pragmatîst nêzdî nêba. Ganî baş bizana ke dîktatorîya verê nêyena qebûl kerdene.
Nê babetî de ganî merdim naye vajo ke her çar leteyanê Kurdîstanî de kurdê bi vîrê Rayber Abdullah Ocalanî reyde têkoşîn danê, nêwazenê sînoranê dewletî bixeripnê û wazenê bi formûlê dewlete+demokrasî ya mîyanê sînoranê dewletî de bicuyê. Û wazenê bibê wayîrê sîstemê xo û goreyê naye zî cuya xo rêxistine bikerê. Çunke vîr de yeno waştene bi şaranê bînan a bi metod û ferasetê waye û birayî bêro cuyayene.
Naye zî bi netewa demokratîke bi name û formûl bena. Tîya de hem netewa kurdî yena pawitene hem zî heqê netewanê bînan yeno pawitene. Peynîye de yeno dîyayene ke ma tena netewa kurd ney netewanê bînan zî wazenî qezenç bikerî. Yanî ma yê kurdî tena yew dewlete ney her çar leteyanê Kurdîstanî de çar dewletan wazenî. Yan zî çi şar Kurdîstan û Tirkîya, Îran, Surîye û Iraq de cuyenî ma heminan wazenî qezenç bikerî. Bi mahneyêka bîne ma yew dewlete ney çar dewletan wazenî.
No rêbaz serra 1993 ra nat Tirkîya de yeno ceribnayene. Çi heyf ke dewleta tirke her tim dirî nêzdîyê mesele bena û her ke şino dewlete hem xo hem zî kurdî dana vindî kerdene. Eke dewleta Surîye samîmî û dirust nêzdîyê mesele biba, eşkena xo bixelesna. Eşkena tecrubeyê kurdî yê demokratîke ra feyde bigîro û problemanê xo çareser bikero.
Surîye de badê Dera dore yena Idlib. La hîna Efrîn, Ezaz, Bab û Cerablus de çete û wayîrê ci dewleta tirke estê. Eke dewlete samîmî ba kurdî û dewlete eşkenê pîya nê dişmenê xo biqewirnê û sîstemê demokratîke ronê. Ganî dewlete kurdan sey dostê xo yê stratejîk bivîna û îttîfaqê stratejîk bikera. Nêke dewlete vaja ez ewro kurdan reyde têkîlî rona û badê ke xo bihêz kerd na fin verê xo bida kurdî, o wext bi desan serran problemê Surîye çareser nêbenê. Heto bîn ra dewlete kurdan reyde îttîfaq rono beno ke no îttîfaq seba Tirkîya, Îran û Iraq zî bibo mîsale û nê cayan de zî formûlê dewlete+demokrasî derbazdar bo.
Nuşte de yeno dîyayene, çareserîya Surîye tena Surîye de beno. Ne Cenev ne zî Astana seba çareserî nêbenê yew metodo rast. Hêzê teberî bêgûman hêzê gird ê, la şarî mehkumê nê hêzan nîyê. Şarî eşkenê xo bi xo çareserî bixelqnê. Wexto ke merdim wina bikero, şert nîyo ke merdim dewletanê girdan bîyaro vernîya xo û înan reyde mîyanê şerî de bo. Bi metodanê destdaye, bi feraseto rast, bi sîyaset û diplomasîyêko rast şarî eşkenê xo penceyê no şero hîreyine yê dinya dest ra bi hawayo serkewte bireynê. Pêdîyinê Surîye
Azad ARARAT
Surîye de se beno? Ameyox do senîn bo? DAIŞ şenik-şenik yena çin kerdene. Badê do senîn bo? Statûyê kurdî do senîn bo? No het ra eke merdim persan biperso, persî benê zêde. La nê rojan de çîyêk bale ant xo ser. Badê damusnayîşê dewleta Surîye ke tede ge-ge tehdît estbî, îdarekeranê rojawanij jî damusnayîş dayêne. Vatêne: “Ma amade yê ke dewlete reyde pêdîyinan virazê.” Badê zî yew heyetê rojawanij şî paytexta Surîye Şam. Xeberê ke uca ra yenê baş ê. Xeberî hêvî danê merdimî la ganî dewlete ciddî ba û ameyox de pragmatîst nêzdî nêba. Ganî baş bizana ke dîktatorîya verê nêyena qebûl kerdene.
Nê babetî de ganî merdim naye vajo ke her çar leteyanê Kurdîstanî de kurdê bi vîrê Rayber Abdullah Ocalanî reyde têkoşîn danê, nêwazenê sînoranê dewletî bixeripnê û wazenê bi formûlê dewlete+demokrasî ya mîyanê sînoranê dewletî de bicuyê. Û wazenê bibê wayîrê sîstemê xo û goreyê naye zî cuya xo rêxistine bikerê. Çunke vîr de yeno waştene bi şaranê bînan a bi metod û ferasetê waye û birayî bêro cuyayene.
Naye zî bi netewa demokratîke bi name û formûl bena. Tîya de hem netewa kurdî yena pawitene hem zî heqê netewanê bînan yeno pawitene. Peynîye de yeno dîyayene ke ma tena netewa kurd ney netewanê bînan zî wazenî qezenç bikerî. Yanî ma yê kurdî tena yew dewlete ney her çar leteyanê Kurdîstanî de çar dewletan wazenî. Yan zî çi şar Kurdîstan û Tirkîya, Îran, Surîye û Iraq de cuyenî ma heminan wazenî qezenç bikerî. Bi mahneyêka bîne ma yew dewlete ney çar dewletan wazenî.
No rêbaz serra 1993 ra nat Tirkîya de yeno ceribnayene. Çi heyf ke dewleta tirke her tim dirî nêzdîyê mesele bena û her ke şino dewlete hem xo hem zî kurdî dana vindî kerdene. Eke dewleta Surîye samîmî û dirust nêzdîyê mesele biba, eşkena xo bixelesna. Eşkena tecrubeyê kurdî yê demokratîke ra feyde bigîro û problemanê xo çareser bikero.
Surîye de badê Dera dore yena Idlib. La hîna Efrîn, Ezaz, Bab û Cerablus de çete û wayîrê ci dewleta tirke estê. Eke dewlete samîmî ba kurdî û dewlete eşkenê pîya nê dişmenê xo biqewirnê û sîstemê demokratîke ronê. Ganî dewlete kurdan sey dostê xo yê stratejîk bivîna û îttîfaqê stratejîk bikera. Nêke dewlete vaja ez ewro kurdan reyde têkîlî rona û badê ke xo bihêz kerd na fin verê xo bida kurdî, o wext bi desan serran problemê Surîye çareser nêbenê. Heto bîn ra dewlete kurdan reyde îttîfaq rono beno ke no îttîfaq seba Tirkîya, Îran û Iraq zî bibo mîsale û nê cayan de zî formûlê dewlete+demokrasî derbazdar bo.
Nuşte de yeno dîyayene, çareserîya Surîye tena Surîye de beno. Ne Cenev ne zî Astana seba çareserî nêbenê yew metodo rast. Hêzê teberî bêgûman hêzê gird ê, la şarî mehkumê nê hêzan nîyê. Şarî eşkenê xo bi xo çareserî bixelqnê. Wexto ke merdim wina bikero, şert nîyo ke merdim dewletanê girdan bîyaro vernîya xo û înan reyde mîyanê şerî de bo. Bi metodanê destdaye, bi feraseto rast, bi sîyaset û diplomasîyêko rast şarî eşkenê xo penceyê no şero hîreyine yê dinya dest ra bi hawayo serkewte bireynê.