Nîyade murdar bîyê
Piçon ondera medenîyet,
Dolê muavîyeyê
Rîpelanê tarîxe de, nameyê înan rê
vanê rayverenan
Eslê înan enkîdû ra yeno
Ne mordem ê, ne camêrd,
Ne kî bifehm ê,
Ê bêbextîyê, hîrîs û heştî ra tepya,
kesî nameyê înan nêgirewto.
Maya menal xerîb kerdîyê, pî bîyo lal
No dişmentî heta terteleyê Dêrsim
kesî nêdîyo
Newe qiseykon, vizêrî yeno ser zon
To rê vajîme, na kokim çi dî çi nêdî
Verê çêverê koyî de, kilîtê koyî
giroto destê xo û nişeno ro
Xo rê kilameke vana, jê pepûge
girano barê kokime
Hama va de nîya vana:
Xizir xizir çimê mi çira kor nêkerd ke
mi sereyê Elîşer nêvînaba
Çira mi kerr nêkerd ke mi vengê
maya Zerîfa hesna
Koyan ra çêneka ma ya rindeke xo
erzena
Wela dîna ameya mi ser
Haq bo no emrê mi zî teyra biqedîyana
Mi kî kezîyê porê çênekan
nêvistena pişta xo
Heya heya no çerx çerx dano
Kelek bibirnon arde dewrese ro
Sûretê şarê ma cemedîya
Çino bena je arde dina de
Tornê sey Rizayan qiseya mi fam
nêkene
Ax lêmi lêmi kam kiştîyo
Kam eştîyo, kam birîyo
Çenê çenê pêro xo vire kerde,
Tayî nêzonê, tayî zî vanê ma tirk ê
No zirçayîşo tarîx kamî rê vaja
Dişmen vejîya pakî
Ax tornê ameyoxê azad
Çiwext koyê ma onca xemlenê
Nîyade,
nî domanê ma fetelînê çar parçe de
Ma dejê xo cayekerd,
cakerd hama
Serva sima bi
Werzê gencê welatî
Sine de, Efrîn de, Mûsul de
Agirî de deste jûbîn bigîrê!