Şaredarê Bajarê Mezin ê Amedê Osman Baydemîr bi Serokê PEN’a Kurd Dr Zerdeşt Haco û sekrera navendê Dr Bêrîvan Doskî  û Endamê Lijneya Rêveberiya Navendê û nivîskarê rojnameya me  Kakşar Oremar re li meqama xwe hevdîtineke pêk naî. Serokê PEN’a Kurd Dr Zerdeşt Haco di ziyaretê de bal kişand ser ku ji her derê dinyayê bêhtir li Tirkiye û Îranê rojnameger û nivîskar girtîne û behsa hewldanên xwe yên ji bo vê yekê kir. Dr Bêrîvan Doskî di axaftina xwe de bi bîr xisti ku  Yekiiya Nivîskarên Dinyayê (PEN) cara yekem li Londona Îngilistanê di sala 1921’an de hatiye damezirandin û îro roj wekî federasyoneke ku li 144 navendan û bi 20 hezar endamên xwe ve ji bo ku wêje di hemû zimanan de bi awayekî  azad xwe bînin ziman dixebite û têkildarî rojnamegerên di girttîgehan de jî anî ziman ku ew li ser navê PEN’a Kurd ji PEN’a Navneteweyî re faks û name rê kirine û bandora vê yekê jî bi awayekî zelal dîtine.  

Nivîskar Kakşar Oramar jî di axaftina xwe de destnîşan kir ku PEN’a Kurd a ku li Almanyayê kar û xebatên xwe dimeşîne her çend wekî navendeke çandî û siyasî be jî ew dixwazin ku navendê ji Almanyayê bînin yek ji navendên wêjeya Kurdî Amedê û ji bo vê yekê jî ew ji Baydemîr alîkaiyê dixwazin. Oramar diyar kir ku heke derfet hebin ew ê di 22’Nîsanê ango salvegera derketina yekemîn rojnameya Kurdî Kurdistanê navendê li Amedê vebikin û wiha axivî: “Em dixwazin ku hem di salvegera derketina rojnameya Kurdistanê û hem jî 8’emîn kongreya xwe li Amedê pêk bînin.”
Baydemîr jî di axaftina xwe de anî ziman ku ew hemû kar û xebatên ji bo ziman, çand û hunerê tên kirin watedar û xwedî nirx dibîne. Baydemîr destnîşan kir ku wêje, ziman û êand ji bo gelan têgîn û çalakiyên domdar in û axaftina xwe wiha domand: “Ji ber van sedeman e ku hemû dewletên li Rojhilata Navîn dixwazin ku Kurdan ji çand, wêje, huner û zimanê wan dûr bixin.”Baydemîr di dawiya axaftina xwe de bi lêv kir ku ew ji bo xebatên bi vî rengî berpirsiyariya dikeve ser milê wan ew ê pêk bînin. 

DÎHA/AMED