Salih wiha got: “Guhertinên mezin li navçeyê çêdibin. Guhertinên li Yemen, Misir û Tûnisê nîşan didin ku Rojhilata Navîn gelek guhertinan di xwe de dihewîne. Divê em jî xwe ji bo pergala nû a herêmê amade bikin, ji ber ku derfetek baş li pêş kurdan heye. Herçend kurd di şerê cîhanê ê yekemîn de zerer dîtibe jî lê cudahiya vê demê ewe ku di asta navnetewî de hesabek cuda ji bo kurdan tê kirin. Sala 2003’an de herkesî wer difikirî ku wê kurd bibin bela serê Rojhilata Navîn, lê belê di 11 salên bihorî de me îsbat kir ku kurd aştî û aramiyê dixwazin.”

Aloziya herêmê dê bi domin
Herwiha Dr. Berhem Salih berxwedana Kobanê bi nirx zanî û got: “Şervanên kurd li kobanê bi taybet keçên me bûne mînaka keçên azad û qehreman li cihanê û kurd li hemû cihanê xwe diparêze, ne ji bo kesekî yan jî hêzên navdewletî, belkû kurd axa xwe diparêzin. Armanca DAIŞ’ê hemû mirovatî ye û em jî ji bo mirovatiyê şer dikin. Nakokî û pirsgirêkên Rojhilata Navîn bidawî nabin û ger DAIŞ jî xilas bibe wê kurê DAIŞ’ê were.” Dr. Berhem Salih derbarê dewleta kurdî de jî got: “Erkên me ji bo dema pêş mezine û divê em wan bicih bînin.
Dewleta Kurdistan xewn û xeyala me hemiyane, lê belê di rewşa heyî de em nikarin bibin dewlet. Hêj hêzên pêşmerge du beşin û hêjî rewşa aborî ji me re pirsgirêkan diafirîne.”

Berjewendiyên netewî girîn gin
Serokê berê ê hikumeta herêma başûrê Kurdistanê bi van gotinan dawî li axaftina xwe anî: “ Pêwîste em rastiyan bibînin ku Rojhilata Navîn diheje û navenda vê hejînê jî İraqe. Ger em peywendiyên xwe bi Bexdadê re têkuz bikin, baştire ji têklîkiyên di navbera Enqere û Tehranê de. Bêguman peywendiya bi wan re jî girînge, lê belê têkîliya bi Bexdadê re ji bo berjewendiyên me yên aborî, siyasî û ewlekarî baştir û girîngtire. Nabe ku lihevrakêşandinên biçûk bikeve pêşiya armancên netewî. Em dixwazin gelê me û hemû gelên li İraqê di nav aramî û aştiyê de bijîn.”


 ROJNEWS/HEWLÊR