Serokkomarê tirk Tayîp Erdoganî badê hewldanê derbe yê 15ê Tîrmeh, vizêr nê perey Konseyê Ewlekarî yê Mîlî û Desteyê Wezîran kom kerd. Serfermandarînê pêroyin û fermandarê ke şewa hewldanê derbe de esîr girotîyaybî zî, tewrê kombîyayişê MGK bî. Badê kombîyayişan Erdogan vejîya verniyê çapemenî û qandê 3 aşman rayverînê rewşê awarte OHAL îlan kerd.
Qerarê rewşa awarte rojnameyê fermî de vejiya û qandê tesdîqkerdiş zî rişîya meclîs. Erdogan'î ard ziwan ke, wextê hewldanê derbe de, 246 kesî kişîyayê û tewr kemî hezar û 536 kesî zî bî dirbetin. Erdogan'î da zanayiş ke rayverînê rewşê awarte, rayverînê eskerî nîyo û wezîfeyê waliîyan zî kerdo vêşî. Goreyê vatenanê Erdoganî, heme sûkan de, quwetê artêş dê binê fermanê waliyan de bê.
HDP: OHAL derbe yo
Vera qerarê rayverînê rewşê awarte, HDP ra nêrazîbîyayiş ame. Desteyê Rayverîn yê HDP aşkere kerd ke raya qrîz ra vejyayiş OHAL nê demokrasî yo. Vatoxê HDP Ayhan Bîlgenî derheqê babed de qisey kerd û qerarê rewşê awarte zey derbe hesibna û da zonayen ke , iyê dê her ca de verra qerarî bivejyê.
Heto bîn ra, AKP badê hewldanê derbe, mekanîkê derbeya xo vist dewre. Şewa 15ê Tîrmeh ra na kişt, deqe bi deqe qerarê newe gêna. Tenya 5 rojanê peyînan de, orgeneral, fermandar, hekîm, sewcî û akademîsyenan ra pîya nezdîyê 10 hezar kesî girotîyayî. Eynî wext de, 50 hezaran ra vêşî memûrî bi îdiayê hetkarê Fetullah Gulen û derbekaran ê, memûrî ra erzîyayî.
ENQERA