Nê 3.5 serra ke hukûmata AKPe bi baxaneyê xirapbîyîşê keştî û xirapbîyîşê hewayî destûr nêdano ke Rayverê Şarê Kurd Abdullah Ocalan pawitoxan xo reyde pêvînayiş bikero, verba na rewşe zî 1040 huqûqnasê îmze kom kerdbî û bi aşkerayê dîyar kerdbî. Na kampanyaye ra roşnvîr û nuştoxan hetkarî day. Komelenas Oya Baydar, verên wekîl Ufuk Aras, nuştox Omer Faruk Gergerlîoglu, kayker Zeynep Tanbay na rewşe ser qise kerdî û vatê ke no nêzdîbîyîşê AKP îxlalê heqê merdimatî yo.

Verba ravêreyeye ya
Komelenas Oya Baydar aşkera kerd ke nika di ravêreyeye çareserî bi îstîkrarî aver nêşona û destûr nêdayişê AKP a pêvînayişê pawitoxan zî îxlalê heqî yo û wina vat: “Çi heyfo ke AKP hetanê nika muhîmî ya ravêreyeye fam nêkerda û no ser zî gamê şenber nêerzena. AKP yew het ra vana do ez aştî bîyara la yew het ra zî ser komeleye teror şuxulnena. No ser zî hema zî şarê Tirkîya na ravêreyeye ra bawer nêkerda.”

Şermoko gird o
Kaykere Zeynep Tanbay zî vat ke ravêreyeya çareserî bibo ya zî nêbo heqê yew kesî est o ke di zîndane de pawitoxan xo reyde pêvînayiş bikero û wina dewam kerd: “Abdullah Ocalanî pawitoxê xo reyde pêvînayişê nêdayiş şermeko gird o. Keseke di zîndane de maneno se encax bi pawitoxê xo di teberî de têkilî eşkeno birono. Ganîyo ke AKP na ferasete xo ra fek vera bido, pêvînayiş yew heqê merdimatî yo. Wezîfeyo pawitox pawiyayişê heqê muwekî xo yo, no ser zî heqê pawitox esto ke pêvînayişê muwekîlê xo reyde bikero.”

Efû pêroyin şert o
Ufuk Uras rewşa Rayverê Şarê Kurd Abdullah Ocalan ra bal ont û wina dewam kerd: “Qedexekerdişê pêvînayişê îxlalê heqê merdimatî yo. Çarçiweya ravêreyeye şerto ke pawitoxan Ocalan reyde pêvînayiş bikerî. Ganîyo ke ravêreyeye ra heme aktorê ravêreyeye hêz bidê û no ser zî wa Ocalan pawitoxan xo reyde pêvînayiş bikero. Hem yew ravêreyeya aştî est o hem zî Ocalan û pawitoxê ey yenî cezakerdiş. Peynîya na ravêreyeye şerto ke efû pêroyin bêro îlankerdiş. Êdî çew meseleyê sîyasî di zîndane de nêmano.”

Girewtişê netîce

Nuştox Omer Faruk Gergerlîoglu zî aşkera kerd ke êdî ravêreyeye ra netîce bêro girewtiş, rayîrê çareserî dîyar o, şerto ke muzakere bêrokerdiş û peynî zî nê muzakerayan ra netîce bêrogirewtiş. Gergerlîoglu destnîşan kerd ke ravêreyeye nika yew qanûnî ra ameya giredayiş û yew merheleye ame û wina vat: “Dewlet êdî gamê şenber bierzo. Ravêreyeye ser bi lezî gamê şenber bêroeştiş. Nika dewlet Ocalan muxatap girewta û pêvînayiş kena. Raştî zî no rayîr o. No ser zî ganî warê pêvînayişê Ocalan bêro herakerdiş û ravêreyeye ra zî netîce bêrogirewtiş.”

DÎHA / STENBOL