Hevserokînê Konseyê Rayverîn ê KCK komkiştena Qamişlo ser jû mesaj kerd vila. KCK sernî de keyanê qurbanê komkişten û kurdistanijan rê serweşîn û dirbetinanê rê jî şîfayê lezîn wast û komişten jî lanet kerd.
KCK eleqe ant komkiştenanê vera kurdan û hetkarînê AKP û DAIŞ ser û wina vat: “Ena komkişten de, rolê dîktatorînê Tayîp Erdogan'î esto. Erdogan bi her wesîleya Rojava zey terorîst îlan keno û hedef mûsneno. Peyniyê enê siyasetê dişmenînê vera kurdan de, komkiştena Qamişlo viraziyaya.”
DAIŞ bîyo AKP, AKP bîyo DAIŞ
KCK vist vîrî ki rayveranê tirk rojanê peynî de vato ki, quwetê hereketê taybet ê tirk, esas Bakur de ca genê û ê bînî Başûr û Rojava de û wina dewam kerd: “Cayê quwetê tirk ê Başûr de, tayn vêşî zaniyeno. Winî ayseno quwetê înan ê Rojava de, DAIŞ miyan de ca genê û ena komkişten kordîne kerdê. Hinî DAIŞ biyo AKP û AKP biyo DAIŞ. AKP û çeteyê girêdayî AKP û çeteyê DAIŞ, vera şarê kurd hereketê "Enfal"anê newey vistê dewre. Komkiştena Qamişlo jî, xeberdara enê Hereketê Enfalê newe ê AKP ya.”
DAIŞ wazeno kurdan teslîm bigîro
KCK ard ziwan ki komkiştena Qamişlo qandê tersnayişê şarê kurd viraziyaya û va: “Dewleta tirk û AKPa faşîst, hetê ra wazena kurdan bitarsayno û heto bîn ra wazena lejê Kurd û Ereb vejo. Qandê pûç vetişê enê planê leymin lazimo sernî de Rojava, heme şarê Suriye, piya hereket bikirê.
KCK da zonayen ki AKP û dewleta tirk bi destê DAIŞ wazeno kurdan û heme hetan teslîm bigîro û komkiştenê ki welatanê Ewrûpa de viraziyenê jî, nimûneyê en rindê. Hevserokînê Konseyê Rayverîn ê KCK vera komkişten û siyasetê komkiştenan ê dewleta tirk veng da heme kurdan û vat: “Gerek şarê ma, heme cayan vera komkiştenan vejiyo kûçeyan. Vera komkiştenanê newey, tedbîranê lazim bigiro. Êşê ma girdo. Roj rojê bermayin niyo. Roj rojê kemî kerdinê êşan û qehrkerdinê dişmenano.”
Peynîya damûstayîn de KCK sozê perskerdinê hesabê komkiştenan jî da û va: “Ma dê hem hesabê komkiştenan pers bikirê û hem jî destegê qandê Şoreşê Rojava heme cayan vêşî bikirê.
ANF/BEHDÎNAN