Serekê Rûmetî yê Tevgerê Elewîyê Demokratîke ra Alî Haydar Cîlasun 27ê kanûna 2016 de wefat kerdo. Goreyê îzeheto nuştekî ke hetê keyeyê Cîlasunî ra ameyo dayîş, Cîlasun 27ê kanûna 2016 de saet 08.10 de bi merasîmêk ameyo definkediş.
Îzeheto nuştekî ke hetê Ruçhan Tolgay û Emrah Cîlasunî ra ameyo dayîş wina yo: “Alî Haydar Cîlasun wextê şenikîya xo de bîyo şahide qirkerdişêk û dima ra bi hezaran Dêrsimijan û keyeyê xo reyde koçê Kayserî kerd. Cîlasun şenikîya xo ra nata tim bi vatişanê nîjadperest û faşîstan rî bi rî mendo û bi no hawa pîl bîyo. Cîlasun bi eseranê şaîr Nazim Hîkmetî dest bi edebiyat û şîîre keno. Cîlasun dima ra her ke şono eleqeya xo zêde beno û hêrs û hîsê zerrîya xo bi no hawa dano teber.”
Vera hêrişan de bêters bi
Îzeheto nuştekî bi no hawa dewam kerdo: “Hetê tîyatro de zî Alî Haydar Cîlasun temsîlkarîya Brecht û Stanîslawskî kerd. Cîlasun zaf girêdayeyê hunerî bî û hunerê xo kirişt heme dew û bajaranê Kurdistan û Tirkîya. Vera zulme polîs û cendirmeyan û hêrişê faşîst û îslamîstan de bêters hereket kerdêne. Berê ci heme şorişgerê ke hetê dewlete ra ameyêne gêrayîş, akerde bî. Cîlasunî Qirkerdişê 1ê Gulane ra rizgar bî û serrêk ra dima Tirkîya terikna û vejîya teberê welatî. Cîlasunî teberê welatî de zî şorişgeranê Îraq, Peru, Amerîka û Erîtreyî kerd meymanê xo. Bi vatişê şaîro namdar Can Yucelî ‘wa sereye ma rast nê, çep bibo’.
BERLÎN