Emserre rîyê Vîrûsê Koronayî (Covîd-19) ser o ca û rasteyê tarîxî yê wisarî de xemilê înan weşiktir beno zî bêveng ê û kes nêeşkeno serpiroyê înan biko. Nê cayê tarîxî ra yew zî Pirdê Malabadî yo ke mabenê qezaya Farqînî ya Amedî û Êlihî de yo. Nê rojê wisarê rengîn de dormeraya bi vilik, giya û zergûnîya xoza xemilyaya, pird zî bi keskîya awa çem û rengê wisarî xo ra kerdo û nê resmê ci zerrîya merdiman ra resnano xo. Heto bîn zî rayîrê wesayîtî ya verê pîrdê tarîxî ameyo viraştiş zî seba Koronayî şîyîş û ameyişî ra ameyo girewtiş, tabele de zî wina ameyo nuştiş: “No rayîr çarçiweya pêroyinnameyî de ameyo girewtiş.” Pirdê Malabadî Pirdê Malabadî ke serra 1147î de serdemê artûklijan de Çemê Batmanî ke sînorê Amed û Êlihî resneno yewbînan ra ameyo viraştiş, her serre bala bi hezaran geştiyaran anceno. Dergîya pirdî 150 metre ya û bi kerrayê neqişîyî ameyo vriaştiş. Pird bi mîmarîya ke nêmê ci berz û tûjik ameyo viraştiş. AMED