Hunermend Ayfer Duzdaş, ji bo Hevseroka Kongreya Civaka Demokratik (KCD) Leyla Guven a li dijî tecrîdê ev 79 roj in di greva birçîbûnê de ye, helbestek nivisand û stra.
Greva birçîbûnê ya bêdawî û nedorveger a Hevseroka KCD´ê û Parlamentera HDP’ê ya Colemêrgê Leyla Guven a ji bo rakirina tecrîdkirina Rêberê Gelê Kurd Abdullah Ocalan, di roja 79’an de dewam dike. Guven li Hepsa Tîpa E ya Amedê di grevê de ye û bi biryar e heta tecrîd bi dawî bibe, çalakiya xwe dewam bike. Hunermenda Kurd Ayfer Duzdaş, ji bo Leyla Guven helbestek nivisand û stra. Duzdaş, li ser medya civakî helbest û newaya stranê parve kir. Duzdaş, bi vê helbest û newaya stranê, piştgirî da çalakiya Guven.
Keça Kurd im serbilind im
Gotinên stranê wiha ne:
Keçên kurdan şervan in
Hember tarî bang didin
Şêr li her derê şêr e
Çi jinê xwe çi mêr e
Leyla navê jiyan e
Leyla deng da cîhane
Bû hevala Zarîfe
Hember tarî deng dide
Ez Dicle û Firat im
Qoçgirî Ararat im
Di zindan de deng didim
Keça kurd im serbilind im
Berxwedana sedsalî
Şev lê da şeva tarî
Di zindanên zaliman da
Bi me re Xizirê Kalî
Lînka newayê li ser youtube:
https://www.youtube.com/watch?v=f6nhtLHnS-Q&feature=youtu.be