Komîteyê Rayverîn ê PKK 1’ê gulan roşanê Karker û Kedkaran ser damûsnayinê da û 1’ê gulani pîroz kerd.
PKK 1’ê gulan, zey rojê sembolê têkoşîn û jûwîna şar, karker û kedkaran hebisina û bado jî eleqe ant sîstemê kapîtalîzm ê vera karker û kedkaran ser.
PKK ard ziwan ki sîstemê kapîtalîst qandê karê vêşî, wazeno karker û kedkaran zey kolane bixeftino û no heme merdimîn û xozay bê quwet keno.PKK vist vîrî ki sîstemê kapîtalîst hewl dano heme welatijan bikiro mûxtacê xo û vera nay jî karkeran ra wast ki, têkoşînê xo berz bikirê.
Komîteyê Rayverîn ê PKK, feqîrî û bêkarîn jî, zey peyniyê siyasetê sîstemê kapîtalîst hesibina û vat: “Sîstemê kapîtalîst, siyasetê welatijan feqîr û bêkar ternayin esas geno. Wina keno ki, welatijî bibê mûxtacê sîstemî û dewlet. Sernî de dewlet û îktîdarê Kurdistan de serdestê, pêro dinyayo wayirê weşînê azad, demokrasîk û zeypêyin nêwazenê. Ê wazenê welatijî feqîr bimanê û tim mûxtacê înan bê.”
PKK vera enê sîstemê kapîtalîstî zey raya xelisinayin sosyalîzmê demokratîk mûsina û wina vat:”Şoreşê Rojawa û serkewtinÊ Kobanê, fina bîn mûsna ma pêrin, teniya jû raya xelisiyayin ê şaran esta, a jî raya têkoşînê şarano. Vera çinêkerdinê qedr û qîmetê madî û manewî ê merdimîn, lazimîn berzkerdinê têkoşînê sosyalîzmê demokratîk esto. Lazimo vera modernîteyê kapîtalîst, paradîgmayê demokratîk, azad, ekolojîk û azadiyê cenî esas bigeyriyo.”
ANF/NAVENDA XEBERAN