Yew vatişê verêniyan ma esta. Vanî, “Kam egîdo û kam tirsenoko ê tengî de bellî bibo”.

Wexto kî çeteyên DAÎŞ herîş kerd ser Şengal,Mexmûr û Rabîa na raştî reyna vejîya werti.
Gerîllayên PKK xo Qendîl ra, şervanên YPG Û YPJ xo Til Koçer ra resna Şengal, Mexmûr û Rabîa. Va, “Roj roja egîdîya”. Va, “Roj roja fedayîya”.
Va, “Şêr şero, çi cinî û çi camêrdî”. Tifingê xo girewt ser kiftê xo û vejîya meydan. Nîva têşanî, nîva vêşanî. Nîva rencanî.
Rada û rada. Vazda û vazda. Xo resna hawarê Êzîdîyên ma.
Rojnamegerên Kurd zê Denîz Firat, Berfîn Hezil û Xeyrî Kiziler zî hetê rojnamegerî de ganê xo eşti werti. Hawarê şarê ma Êzîdîyan pê kamara û vengê xo resna dinya û ravist ver çimanê însanîyet. Denîz Firat şehît kewt. Xeyrî Kiziler tay mendî şehît bikewro.
Gerîllayên PKK û şervanên YPG û YPJ pê gan û gonîyê dizik viraşt. Rayîr viraşt.
Se hezar zêdeyîr şarê ma Êzîdî pawit û qirkerdişê ra xelas kerd.
Êzîdî zî û pêronê dinya vanî, “PKK,YPG û YPJ nêbenê xelasiya Êzîdîyan nêbenê”.
Pêronê dinya û nuştox nusnenê û vanî,”Gerîllayên PKK  Mexmûr nêbipawitêne îhtîmalê  kewtişê Hewlêr zî bibi”. Hina bikî, Mesût Barzanî û Mela Bextîyar înan zî Mexmûr de şiyê zîyaretê gerîllayên HPG û YJA STAR. Spasiya xo seba înan kerd. Çi tûr û têyîrê na cihan estî na raştî dî. Ewro herkes ser na raştî qisey keno. Vano,”Eger yew wayîrê Kurdan esto o zî PKK û YPG wa”. Şarê Kurd zî hina vano, “Yew hêvîya ma esto o zî PKK û YPG wa”.
Şarê Kerkûk hina vano. Şarê Xaneqîn hina vano. Şarê Şengal hina vano.
Şarê Kurd vano, Bijî Serok APO! Bijî PKK! Bijî YPG!