Komîteya Caardişî ya PKKyî îzehetêko nuştekî daye û serrgêra 1. de şehîdê Besta vîr ardî. PKKyî îzehetê xo de dîyar kerdo ke ê Fermandara Qerargehê HPG-YJA Starî Delal Amede û Fermandara HPG-YJA Starî Azê Malazgîrte û şehîdanê bînan bi minet û rêzdarî vîr anî.
PKKyî vato ‘ma bi çalakîyanê Botanî heyfê fermandaranê xo girewto’ û wina dewam kerdo: “Ma bawer kenî ke ma hesabê înan pers kerdo. Ma no het de sozê xo yê Kurdîstano Azad dibare kenî. Seke yeno zanayene hemra Delale û Azê rayberîya xoverdayîşê Botanî kerdênê. Sahaya Botanî de xeylê çalakîyî ameyî viraştene û mîyanê serrêk de xeylê derbeyî dîyayî dişmenî ro. Ma bawer kenî ke têkoşînê ma do serbikewo.”
PKKyî îzehetê xo de wina vato: “Ma embazê Reşît Serdar, Kerîm Kato û Hakîyî ke rayberîya donemê şerê şarî yê şorişgêrî kerdî zî serrgêra 6. de bi minet û rêzdarî vîr anî. Nê embazî heme bîyî sembolê aşma teşrîna peyêne ke aşma awanbîyayîşî partîya ma ya. Mîyanê 9 serranê peyênan de xoverdayîş û têkoşînêko gird ame dayene. Nê xoverdayîşî hem erjê ke awan bîyî pawitî û hem zî Şorişê Rojawanî pê ard. Bedelê ci se beno wa bibo, ma do qet fek azadîye ra veranêdî. Sere de cinî û ciwanî û ma veng danî heme şarê xo ke wa şexsê Delale, Azê, Reşît, Kerîm û Hakîyî de heme şehîdanê teşrîna peyêne vîr bîyarî.”
ANF / BRUKSEL