Platformê Piştîdayîşê Sûrî ke heta nika bi desan çalakîye û aktîvîteyan reyde hewl da vengê Sûrî bido eşnawitiş, nika zî xo amade keno ke Sûrî zîyaret bikero.
Babete ser o Dîlek Başalane qisey kerde. Başalane va ‘ma bi heyeto ke15 kesan ra pê yeno, mabênê 29ê êlule û 1ê teşrîna verêne de Sûr de bibî’ û wina dewam kerde: “Ma seba ke piştî bidî Sûrî, şonî. Hema vaje temamê taxa Alîpaşa ame rijnayîş û her roje zaîyat hîna zêde beno. Cok ra ma do hem rewşa Sûr bivînî û hem zî halo peyên yê rijnayîşî bivînî û piştî bidî şarî, şonî Sûr. Ma do vera rijnayîşan de bêveng nêmanî. Ma do verê keyeyan zîyaret bikerî û dima ra ewja de forumêkî organîze bikerî.
Seke yeno zanayîş heta nika xeylê çalakîyî hetê platformî ra ameybî viraştiş. Nînan ra yewe zî îmzayê ke ameybî arêkerdiş bî. Îmzayê ke ameybî arêdayîş, do teslîmê Platformê Rijnayîşê Sûrî rê Nê bêrî kerdiş. Heyet badê ke agêra Stenbol, do xebatanê xo bidomno.
JINNEWS - STENBOL