Ethem Sarisuluko ke wextê Xoverdayîşê Gezî de hetê polîs Ahmet Şahbazî ra amebî kiştiş, doza hedîseyî vizêr Mehkemeya Cezaya Giranî ya Aksaray de ameye dîyayîş. Heyetê Mehkemeye sucê ‘bitaksîr merdim kiştiş’ ra 2 serrî cezaya hepsî da polîs Şahbazî. Labelê mehkeme na ceza ard 1 serre 4 aşme û 20 rojan. Dima ra zî na ceza tadaye cezaya pereyî û 10 hezar û 100 TL cezaya pereyî da ci. Yew polîsa cinîye dayîke Sayfî Sarisuluke ke îtîrazê qerarî kerde rê gef werde û dima ra edlîye de lej vejîya. Yeno zanayîş ke Polîs Ahmet Şahbaz o ke bi îdîaya ‘bi qestî merdim kiştiş’ ra ameyêne mehkemekerdiş, dima ra tehlîye bîbî. Nika zî sey xelate ceza dîya Şahbazî.
AKSARAY