Vîrûsê Koronayî ke Çînî ra vilayê pêroyina Dinya bî û bî semedê mergê bi hezaran kesî, hema zî zaf welatan de aktîf o. Bajarê Tirkîya û Kurdistanî de her ke şono hûmara merde û kesê ke vîrûsî ra kewenê zêdîyena. HDP zî seba hetkarîdayişê şarî ra dest pê kampanyayêk kerd û çarçiweya na kampanyayî de zî Agirî de Rayberê Qezaya Merkezî yê HDPî Hakan Maglay û endamê partîye Yusuf Keser kesê ke hetkarî ra avzelîya înan estê ra destpê vilakerdişî kolîyê hetkarî kerdê la polîsê AKPî Hakan Maglay û Yusuf Keser girewtê binê çiman û 50 kolîyê hetkarî ra zî dest ronayî. Peynî Hakan Maglay û Yusuf Keser ameyê veradayiş la polîsan kolîyê hetkarî tepa nêdayî û Rêxistinê Bajarê Agirî yê HDPî aşkera da ke ê do dozgerî ra serpiro bidê. AGIRÎ