Weçînayîşê 24ê Hezîrane ra ver, dewleta Almanya destek daye rejîmê Erdoganî û hêrişê dezgeyanê kurdan kerdî. Polîsî saetanê serê sibayî de Almanya de eştî dezgeyê Merkezê Komelê Kurdê Demokratîke (NAV-DEM) û buroyê Civaka Azad ser.
Polîsî eynî wextî de eştî keyeyê îdarekaranê NAV-DEMî ser û keyeyî sehnayî. Polîsan berê dezgeyan şiknayî û kewtî zere. Goreyê polîs û dozgerê Berlînî hesaban ra qanûnê komeleyan ameyo îxlalkerdiş. Polîsî netîceyê sehnayîşan de dest rona computiranê dezgeyî ser.
Babete ser o îdarekaranê Civaka Azadî ra Alî Çîçekî qisey kerd û reaksîyon nîşanê nizdîbîyayîşê polîsan da. Çîçekî va ‘hêriş vera azadîya fikir û îfadeyî de bîyo’ û wina domna: “Dewleta Almanya bi no hawa destek dana dewleta tirkî. Nê hêrişî nêşênî xebatanê ma asteng bikerî. Ma do hem sucê dewleta tirkî û hem zî yê dewleta Almanya raya pêroyî ra vajî.”
ANF/BERLÎN