FÎLÎZ ZEYREK / EDENE
Tecrîdo girankerde ke ser Rayberê Şarê Kurdî Abdullah Ocalanî de yeno meşnayîş, dewam keno. Tecrîd her tim raştê xoverdayîşê şarê kurd ameyo û şar her tim vera tecrîdî de vindeto û tecrîdî qebul nêkerdo.
Nê xoverdayîşan ra yewe zî çalakîya Veysî Kayayî yo. Veysî Kaya 9ê Sibata 2006î de seba ke tecrîdî protesto bikero, bedenê xo dabî adirî ver. Babete ser o Dayîka Veysî Kayayî Fatma Kayaya 80 serreyî, qisey kerde.
Dayîke Kayaye bale ante polîtîkayê qirkerdişî yê 2006î ser û wina va: “O wext lajê mi zî tede, bi seyan wendekarî polîtîkayê şerî ver şehîd kewtî. Ewro polîtîkayê şerî hîna zî dewam kenî. Tecrîd meşnenî û benî sebebê ciwanan. Tecrîdî reyde problem çareser nêbeno. Bi serran o çîyêk nêkerdî. Çareserî bi azadîya Rayberîye mumkin a.”
Kayaye dewamê qiseykerdişê xo de qala waştişê lajê xo kerde û wina va: “Waştişê lajê mi yo yewin cuyêka azade bî. Rayîrê azadîye zî bi Abdullah Ocalan mumkin o. Şarê kurd fek xoverdayîşê xo ra veranêdano. Tena kesêk esto ke şeno aştîye bîyaro dinya; o zî Abdullah Ocalan o. Bi hezaran ciwanî seba Ocalanî têkoşîn danî, lajê mi zî înan ra yew o. Adirê lajê mi nê, polîtîkayêa lêmine ya dewlete lajê mi veşnaye. Kurdan bîlasebeb ko tercîh nêkerd. Ma do Cizîr, Sûr û Nisêbînî xo vîr ra nêkerî. Ganî bi hawayo lez Rayberîya ma azad bibo.”