Komplo bi xoverdayişî tol vejîyeno
Dersim de zî seweta protestokerdişê Komplo Kuçeyê Sanatî de damûstayîn dîya çapemenî. Parlementerê HDP yê Sûk Alîcan Onlu damûstayîn da û vist vîrî ke cîyabîyayîna no komployî na wa ke pêrokîn quwetî mîyan de ca gênê. Onlu va quwetê emperyalîst ke waştî Rojhelatê Mîyanî newe ra dîzayn bikerê PKK xo rê zey manîyeke dî û cok ra Ocalan ke alternatîfa 3. vet werte hedef girotî. Parlementer Alîcan Onlu vist vîrî ke komplo bi jû roj ra bi sînor nîyo û aşkere kerd ke Îmrali de tecrîd hona rameno. Onlu va, 18 serrîyo komplo bi xoverdayişeke gird tol yeno veten.
Xarpet û qezaya ci Dep de zî pê eşkerakerdişan komplo şermezar bi û sozê berzkerdişê tekoşînî diya. Semsûr de zî vera komlo nêrazîbîyayiş damûsnîya. Banê HDP de pê yew eşkerakerdişî komplokaran rê hers ardîya zûne û serbestiyê Ocalanî waziya. Hemserokê HDP ê bajar Selîm Ozbek arde zûne ke şarê kurd wahar Rayverîye xo vecîya, êr ra tepîya zî wahar vecîyeno.
Çare letebîyayişê herbî nîyo
Elih de zî semedê şermezarkerdişê Komloyê 9ê Cotmeh şar kuçeyan de bi. Parlamenterê HDP Ayşe Acar Başaran û Mehmet Alî Aslan zî tewr çalakî bî. Başaran dazûnayene ke, çarekerdişê mesele letebîyayişê lejê Surîye nê, zerre û tewer de tewr kurdan haştî yo. Semedê lanetkerdişê komplo yew eşkerakerdiş zî Wan ra amey. Eşkerakerdiş de vacîya ke, Ocalan verê serdastan de mile xo çot nêkerd, şar zi wahar ci vecîya û komplo pêd qeldîya.
Hûnca Mêrdîn de zî vera komplo û tecrîd vengê tekoşînî bi berz. Îdarekaranê HDP, DBP ê Mêrdîn, azayê Meclisê Dadîyê Haştî, MEYADER tewr nûmayiş bî. Qalkerdişan de vacîya ke ne Ocalan ne zî şarê kurd cok nêdanî ro û nêverdenê waştişê serdestan bîrê ca. Qezayanê Şirnex Cizîr û Slopî de zî pê kombiyayîşanê çapamenî komplo protesto bi. Eşkerakerdiş de vacîya ke semedê haştî lazimo ke yew hel cuwaver tecrîd wedarîyo. Hûnca Dîlok û xelyek sûkanê bînan de zî komplo şermezar bi û sebestiyê Ocalan'î wazîya.
NAVENDÊ XEBERAN