HÎKMET TUNÇ / JINNEWS / WAN
Çirrê Bêgirîye ke bajarê Wanî de raştê eleqeyêko gird yê turîstan anceno, nika hetê qayûmî ra yeno pêşkêş kerdene. Çirro ke her serre goreyê mewsîman rengê ci bedilîyeno, merdimî şaş verdano. Çemê Mahîbendî ke çirrî ser o herikîyeno, eynî wext de cayo ke maseyê Încî Kefalî hakanê xo roneno yo.
Endamê Tevgerê Ekolojîyî Seher Kadîr Ataşogluye babete ser o qisey kerde û dîyar kerde ke çirr do bi no hawa pêşkêşê şexsan bêro kerdene. Ataşogluye va ‘çirr tena cayo ke maseyê Încî Kefalî hakanê xo roneno nîyo, eynî wext de cayê bi hezaran tewir nebatan o zî’ û wina domnaye: “Nika qayûm hewl dano çimeyanê tebîîyan biroşo û texrîb bikero.”
Ataşogluye daye zanayene ke eke çirr bêro kîra kerdene, o wext êdî merdimî do nêrî ewja û zîyaret nêkerî û wina dewam kerde: “Nika çirr seba 49 serran ameyo rotene û awa ewja dîyaya şîrketêkî. Bin nameyê xizmetî de cuya gandaran erzîyaya tehlukeyî mîyan. Ewja de mîrasê kulturî yeno çinî kerdene. Wexto ke şima heme gandarî kiştî, êdî ti manaya xizmetî nêmaneno. Merdimî beton ra eciz î. Ma ekolojîstî wazenî ke wa texrîbkerdişê tebîetî biqedîyo.”