Roja ke qayûm tayînê şaredarîya Hezexî bîyo ra nata şarî rê tu xizmet nêameyokerdiş û problem dewam kenê. Hamnanî bi aşman awe û cereyan qeza de ameyî birnayîş û bi rojan hemwelatîyan tankere ra awe antî. Bî hewteyêk reyna awe ameya birnayîş û ame zanayîş ke seba awa şilîye kewta mîyanê awe, ameya birnayîş. Hemwelatîya taxe Yildiz Elçîogluye reaksîyon nîşanê qayûmî daye.
Elçîogluye daye zanayene ke hamnanî de di aşman awa înan ameya birnayîş û aşma Remezanî de bêawe derbaz kerdê û wina va: “Xora şaredarî bêkes a. Tena derdê meaşanê xo de yê. Şar xema înan de nîyo. Aşma Remezanî û roşan de awa ma çin bî. Tewr peynî mi bîdon girewt û ez şîya qeymeqamtî. Avûkatê qeymeqamî heqaret ro mi kerdî û mi eştî teber. Ma pereyê xo danê. Ma hamnanî bi tankêran awe ante. Pereyê awa tankêre zî ma ra girewtî. Wexto ke awa ma birnayene bî zî fatura ameyêne. Pere girewtêne û awe nêdayne. Badê ke qayûm ame, şaredarî şarî rê amî padayîş. Ma 15 cinî û di camêrd pîya şî verê qayûm. Ma berdî verê mudirê ozel kalemî. Ma uca de rastê heqeretan ameyî û ma vetî.”
ŞIRNEX