Kurdî û dostê ci dê 26ê aşme de bivejyê kuçeyan, Almanya û Yewîya Awrûpa ra waştena wedarnayişê qedexeyê PKK bikerê. KCKD-E ke veng da Kurdan herkesî 26ê aşme de silayînê nûmayişan kerd.
Dewleta Alman 26'ê Mijdara 1993 de, bi qerarekê kêfî û bêhiqûqî, vera Partiya Karkerên Kurdistan PKK qedexe rona. Eno qerarê nêheq ê Almanya, bi sebebê mexdûrînê bi hezaran Kurdistanijan. Kurdistanijî vera na qerarî bi serrano tekoşîn danê û her serr nûmayişanê cîya cîya virazenê û wazenê qedexeyê PKK wedarîyo. Emserr zî kurdî dê bi rayverîya KCDK-E de, bi wesîleyê serraçarnayişê qedexeyê PKK de, nûmayişanê cîya virazê.
AKP qedexeyî xo rê kena qalxan
KCDK-E derheqê qedexeyê vera PKK û çalakiyanê xo de damûsnayîneke da û fina bîn eleqe ant qerarê nêheq û bêhiqûqî ser. KCDK-E zey ‘terorîst’ vînayişê PKK, neheqîyeke tewr gird hesibna û va: “Jew hereketo ke, Şengal û Rojawa de, tekoşînê xo ê vera çeteyanê DAIŞ, bîyo omidê heme însanan, zey terorîst vînayiş, nêheqîkeye girdo.” KCKD-E vist vîrî ke, AKP eno qedexeyî, zey rewakerdişê faşîzmê xo vînena û va: “AKP çarçoveyê no qerarî de parlementer, hemşaredar, siyasetmedar û temsîlkaranê saziyanê kurd gena.”
KCKD-E ard ziwan ke iyê serraçarnayinê qerarê nêheq ê Almanya de bivejîyê kûçeyan û bi nê vatişan veng da Kurdistanijan: “Mayê bi wesîleyê 23. ê qedexeyê PKK, 26'ê Mijdar de, bivejiyê kûçeyan. Fina bîn, bi vengê berz Almanya ra biwazê ke qedexeyê PKK hewado. Herzewbîn ma dê Yewîya Awrûpa ra zî biwazê ke, nameyê PKK lîsteyê terorî ra vejêrîyo.
NAVENDÊ XEBERAN