Aşkeraya nuştişî ya şaxa Komeleya Heqê Merdiman (ÎHD) ya Mêrdînî de ame vatiş ke; ‘Hetê Qeymeqamîya Nisêbînî, qezaya Nisêbînî 13’ê teşrîne roja îne saet 21.00 ra hetanê fermaneko diyin ‘Qedexeya vejîyayîşê teberî’ ameyo îlankerdiş.’
Roja diyine ya qedexeye
Aşkera nuştişî de ame vatiş ke roja diyine ya qedexeya vejîyayîşê teberî ya Nisêbînî de; Faysal Çakar (50) û domanê 7 serra C. Çakar birîndar bîyî, Selamet Yeşîlmen ê 44 serra cuyayîşê xo dayo, kêna ey S. Yeşîlmen a 14 serra, lajê ey F. Yeşîlmen ê 10 serra birîndar bîyî û Abdulhakîm Aytîmur birîndar bîyo.
Aşkera nuştişî de ame ciresnayîş ke tesbîtî ke çapemenîya heremî de ameya kerdiş, wa cidî bêrê girewtiş, muhîmo derhal na qedexeya dijî huqiqî bêro peynîkerdiş û seba raştîya ser qetilkerdişê Selamet Yeşîlmen ê 44 serra û domanê înan ê amey birindarkerdişî bêro roşnkerdiş û wa derhal qedexeya vejîyayê teberî seba demokrasîye bêro hawanayîş.
Raya pêroyî ra bar
Aşkera de wina ame vatiş: “Aşkeraya Walîtîyê Mêrdînî ya ser babete cayê gumanan a, eke Walîtîyê Mêrdînî wazeno raştîyê Mêrdînî bêro roşnkerdiş wa qedexeya ke dijî qanûnan o bêro wedarnayîş. Ma wazenê qedexeya vejîyayîşê teberî derhal bêro hawanayîş. Otopsîya Selamet Yeşîlmen ê Nêweşxaneya Dewlete ya Mêrdînî de pawitoxê ma amede bîyî û ma aşkeraya hera ser babete raya pêroyî ra bar kenî.”
ANF/MÊRDÎN