Dewleta Tirk ke bi êrişanê tanq, top û bombevornayenan nêşa îradeyê Cizîr teslîm bigîro, pêrokîn raybazê leymin û wehşiyane vist dewre. Qûwetanê dewlet yê ke nêşay xoverdayişê şarî, çormeyê bodrimê ke dirbetinî miyan de bî girot û înan ganî bi ganî veşnay. Nînan miyan de Hemserokê Meclîsa Şar yê Cizîr Mehmet Tûnç û birayê ci Orhan Tûnç zî estbî. Mehmet Tûnç’î vera zilm û terora dewlet xoverdayişê şarî rê rayverîn kerd. Tûnç bi şiyara “eke hewce bikero ma dê şahît bikewê, la me teslîm nêbenê“ bi sereberzî verniya pêrokîn êrişanê dewlet de vindiya.
Bado ke netîceyê testê DNA de kamiyê ci tespît bî, cenazeyê Mehmet Tûnç’î vizêr Riha ra, ê Orhan Tûnç’î zî Sîlopî ra amey giroten. Hurdî birayê Tûnç’î ewro bi merasîmekê heybet mezelxaneyê Bahçelîevler Nalarû de defin bibê.
Ma teslîm nêbenê
Mehmet Tûnç ke bodrimê wehşet yê Cizîr de dirbetinan het de bi, xoverdayişê înan gam bi gam, roj bi roj bi raya pêroyîn ra bare kerd. Tûnç’î bi rojan veng da welatanê Awrûpa, Sazgehanê Heqê Merdiman yê Mavênneteweyî û waşt ke verniya qetlîamanê dewleta Tirk bigîrê. Na pêrokîn dinya qîrayişê Tûnç û Cizîr ra xo kerd kerr, korr û lal û bi desan welatijan qirkerden ra rî bi rî virada.
Qiseyê peynî yê Mehmet Tûnç’î wina bî: “Wa kes ma ra teslîm biyayiş nêpawo. Ma dê na ray de şehît bikewê. Bi kiştişê 100 kesan no hereket nêqedîno. Pêrokîn imbazê ke tekoşîn domyenê ra silamî vana. Ma xoverda, çokê xo nêda ro.
DÎHA/ŞIRNEX