Bi averşîyayîşê teknolojîyî tayê meslegî vinîbîyayîşî reyde têrî yî. Nê meslegan ra yewe zî qelakarî ya. Hema vaje her bajar de çend hebî westayî mendî. Nînan ra yew zî Hûlisî Devecîyo 66 serrî yo.
Westa Hûlisî Devecî 51 serrî yo ke karê qelakarîye keno û bajar de tena o mendo. Devecî Sûka ke tede qezanî yenî viraştene û roşîyenî de xebetîyeno. Devecî dîyar keno ke verê cû na sûke de nizdîyê 10 westayî estbîyî, labelê nika Edene û qezayanê ci de tena o mendo. Devecî vano ‘qelakarîye meslegêko zaf weş o’.
Devecî dîyar keno ke o aşme de 6 Hezar TL pere qezenç keno, labelê reyna zî ti kes nêwazeno ke nê meslegî bimuso. Devecî vano ‘ciwanê nikayênî, seba ke rîyê înan sîya nêbo, nêwazenî bixebetyî’ û wina dewam keno: “Cok ra ma nêşênî şagird û qelfayan bivînî. No semed ra no mesleg her ke şono hîna zaf kêmî beno. Mi lajê xo bi qelakarîye weye kerd û da wendene. Dewlete nika qelakaran ra bac nêgêna.”
MA / EDENE