Îdarekarê dewleta tirkî wexto ke kewnê tengî vanî, “Ma û şarê kurdî ma pêro muslumanî.”

Vanî, “Ey tornê Selaheddîn

Eyubî!”

Vanî, “Ma Çanakkale de pîya 

şer kerd.”

Vanî, “Kurd hina hina 

mêvandarî.”

Wexto ke tirkî yenî Kurdistan’î, şarê kurdî înan rê hina mêymandarî keno ke, nêweno û nêşimeno çîyê ci esto û çino dano înan. Eyê zî wenî û şimenî û tilekê xo dikenî û şinê.

Wexto ke Kurdistan’î ra kewnê dûrî hembere şarê kurdî destpa plane qelleşî nanî ro.

Qelleşî esta qelleşî esta!

Çîyo ke nînan kerdo qelleşî zî vîyerto.

Çend qelleşîyê nîna bîyero nuştiş, senî qelleşî kenî hîna hol yeno famkerdiş.

Tayî qelleşîyê tirkan

Yewin(1.):

Wexto ke Ankaragucu şi Amed de maç kaykerd, rayedarên(îdareker) Amedsporî înan benî bi taybet mêvandarîyê înan kenî. Benî arayîyê taybet danî înan.

La wexto ke Amedspor 24 Nîsanê de şi Enqere de Ankaragucu ra maç kaykerd û Amedspor, Ankaragucu 2 û 1 binvist, rayedarên(îdareker) Ankaragucu, hêrîşê rayedarên Amedspor kenî. Hadî Mizrakî 2 metre cayê berz ra erzênî war. Pêrone rayedarên(îdareker) Amedsporî kuwenî.

Nê derheqî de îdarekere Amedsporî Nurullah Erdem hina vano: “Çîyo ke bîyo spor kiştê kî de, hetê însanîyetî d cayê çîyo hina çino. Wexto ke Ankaragucu qey maçe yewin ame Amed bitaybet ez şîya mi îdarekerê Ankaragucu meydanê teyaran ra pê erebeyê xo ardî. Mi arayîyê namdar ayê Amedî da înan. La Enqere de bixo pawitoxên Serokê Ankaragucu hêrîşê ma kerd. Waşt ke ma bikişêne.”

Dîmenê nê hêrîşê zelalo. Pêronê îdarekerê Ankaragucu hêrîşê îdarekerê Amedspor kenî. Temaşekerên Ankaragucu zî hembere şarê kurdî nengan çînenî.

Dîyin(2.):

Yewbîdîyayîşê ke dewlete tirkî, Serokê Şarê Kurd Abdullah Ocalanê rê kerdêne yenî zanayîş. Yewbîdîyayîş de îdarekerên MÎT’î zî ca girewtêne. Înanê ra yew Hakan Fîdan, yew Muhamed Derwîşoglu yew zî Ugur Kaan Ayik bî. 

Eynî ekîb hem Serokê Şarê Kurd Abdullah Ocalanê ra yewbîdîyayîş kerdênê hem zî hembere şarê kurdî plane qirkerdişî viraştî.

Ugur Kaan Ayik û îdarekere MÎT yê bîn Haluk Ozcanî Komkiştişê Parîsî plan kerd. 

Sakîne Cansiz, Fîdan Dogan û Leyla Şaylemez bi planêk qelleşî şehît vistî.

Hakan Fîdan û Muhamed Derwîşoglu zî hem Serokê Şarê Kurd Abdullah Ocalanê ra yewbîdîyayîş kedênê hem zî planê qelleşî viraştênê û hêrîşê şarê kurdî kerdênê û kenî. 

Hakan Fîdan û Muhamed Derwîşoglu pîya çeteyên DAÎŞ-Ahrari Şam-El Nusra û Sultan Murad û ayê bîn rêxistinkerdî û pê înan Rojavayê Kurdîstanê de hêrîşê şarê kurdî kerd.

Hetêk bîn ra zî bin nameyê “Çokturme Planî” yanî bi Plane Çokdayîşîyê hêrîşê Kobanê û Bakurê Kurdîstanê kerd. 

Eka(nika) Bakurê Kurdîstanê de çi hêrîş ser şarê kurd û bajaranê Kurdîstanê de esto, pêronê nê hêrîşan Hakan Fîdan û Muhamed Derwîşoglu plan kerdî û kenî.

Yane dewlete tirkî hina qelleşa. 

Yewî ra qiseykena la binde plane qelleşî virazena.

Bîlasebeb baw û kalanê ma nêvato, “Dewlete tirk bena her zî ci menîşe.”

Gera yew qet û qet bawerîya xo înan nîyaro.

Dewlet û îdarekere tirkî qelleşî û qelleşî.

Bêbextî û bêbextî.