MIZGÎN ŞIVAN / ANF / BEHDÎNAN
Bi nizdîbîyayîşê zimistanî kesê ke dewanê Binarê Qendîlî de manenî, seba zimistananê serd û dergan amadekarîyan kenî. Nînan ra yew Mehemed Ehmed o û seba zimistanî hinaran arê dano û hingimên xelq keno.
Ehmedî va ‘cuya dewe bawkalanê ma ra menda’ û wina domna: “Ganî her merdim ser erdanê xo de cuya xo bidomno. Bajaran de cuyayene zehmetin a û heme çî bîyo vaye. Merdimî dewan de hîna huzirin cuyeno. Cuya tewr biewle dewan de ya. Cuya dewe hîna biweşî ya. Domanê nikayîn cuya dewe ra remenî û xo erzenî mîyanê lêminîya bajaran. Çi heyf ke bajaran de zî nêşênî debara xo bikerî. Labelê dewan de cuye hîna asanêr a.”
Ehmedî dîyar kerd ke ê payîzî dest bi amadekarîya zimistanî kenî û wina va: “Ez debara xo bi zîret, hingdarî û heywankarîye kena. Ez muhtacê ti kesî nêbena û debara xo kena. Karê hingdarîye zor o, labelê karêko bereketin o. Hingimên hem seba weşîye rê baş o û hem zî ameyeyê ci baş o. Varano sifteyîn seba arêdayîşê hinaran nîşan o. Ma nîmeyê hinaran roşenî, nîmeyê bînî zî seba zimistanî hewanenî. Ma tirşê hinaran virazenî. Heto bîn de ma hinaran meymanan ver ronenî.”