Hikumetê AKP, çarçoveyê konseptê herbê topyekunî de rewna ra hedreyin xespkerdişê şaredariyanê kurd kena. Seweta nay, pêşniyar-qanûn kerdbi hedre û verî meclîs bikewo tatîl, wast vejo. La belê koma HDP ra piya, xeylê wekîlê partiyanê bînan zî, vera ena wastena AKP vejiyay.
AKP OHAL açarna firsedkarî
Xoverdayişî ser, AKP qanûnê torbe ra, madeyê tayinkerdişê kayyuman ê seweta şaredariyan peyser antbi. AKP nika, îradeyê meclîs eşt jû kişt û raya hîleyî vist dewre. Çarçoweyê qanûnê rewşê awarte de, qerarnameyê seweta xespkerdişê şaredariyan vet.
Goreyê na qerarname, şaredar, wekîl û azayê meclîsê şaredarîyan bi behaneyanê kêfî wezîfe ra bigeyriyê. Hurendîya înan de zî Wezîrîya Karê Zerî û Waliyinî kamî biwazê zey şaredar, wekîl û azayhe meclîsa şaredarîn wezîfedar bikirê. Eynî wext de, waliyî û qeymeqamtî dê bi behaneyanê cîya cîya, bişê mal û milkê şaredariyan zî xesp bikerê. Nê hurdî qerarnameyî zî, zey destnayişê ser îradeyê şarî yenê hesibnayen. Ser de jî, bi sebebê qerarname çarçiweyê qanûnê OHALî de vejîyayo, heme îtîrazan ra zî giroteyo û vera ci dawa zî nêabiyena.
Heto bîn ra, AKP helwdanê derbe û qanûnê OHAL açarnayo zey firsedkarî. Pêser qerarnameyan vejena û dewlet mûxalîfanê xo ra kena pak. Nika ancî bi qerarnameyan ra, zafê ci, mahlîmî, vêşiyê 40 hezar kesî îxrac kerdî. Goreyê hayderîyan, AKPijê lîsteyan kenê hedre û iyê heme mûxalîfanê xo, bi nameyê hetkarê cematê Fetulah Gulen'î, memûrîn ra îhrac kenê.
ANF/ENQERA