Ronayoxanê PKK ra Sakîne Cansiz, azaya KNK Fîdan Dogan û azaya Hereketê Gencan ra Leyla Şaylemez, Buraya Enformasyon ê Kurdîstan’î de qetil bibî. Na xeber verikîn zereyê Kurdan û pêrokîn dinya de veng da û tesîrê şoq kerd. Sodirê roja qetlîam de, bi hezaran kesan verê xo day cayê komkişten.Her cayê Avrupa ra şarê Kurd bi hêrsê gird û bi waştena hesap persayiş kewtî raya Parîs’î ser.
Se hezarî kes herikyay Parîs
Wezîrê karê zerre yê Fransa ê wextê komkiştenî Manuel Valls şi cayê komkiştene û ard ziwan ke, no komkiştene nîno qebûlkerdene û sozê roşnîkerdişî da.Hêrsê Kurdan her gam heveyna bi jêde. Komkişten ra dima, Parîs hêrsê şarê Kurd rê şahîdî kerd. 12ê Çilê de bi se hezaran Kurdî û dostê ci, Parîs de verra komkiştene nêrazîbiyenê xo arde ziwan.15ê Çile de 3 ceniyê şoreşgerî hetê des hezaran oxirê Kurdistan bî. Cenazeyê 3 ceniyanê şoreşger, 16 Çile de resiyayî zerriya Kurdîstan Amed.
Kurdistan keynayê xo virar kerd
17ê Çile de Amed de ciwuyayiş vindiya. Nîm mîlyon Kurdistanijê ke Amed de are bî, jew fekra vatî, “Ma pêroyî Sakine, Leyla û Fîdan ê.
18ê Çile de, Dersim kênaya xo ya sereberz, Sakîne Cansiz, Koyanê Nurhaq Fîdan Dogan, û Mersîn Leyla Şaylemez virar kerdî.
Badê jew hefte ser komkişten ra, sawciyê Parîs aşkere kerd ke, keso bi nameyê Omer Guney, o ke qezayê Sêwas Şarkişla ra yo, komkişten viraşta. Omer Guney, o ke Parîs de tepişteyo, veriya komkiştenî, 10 finî şibi Tirkiye.
Belgeyê ke vejiyay werte zî, damusnay ke, qetlîam hetê îstixbaratê Tirkiye ameya plankerdiş û viraştiş. MÎT’î serva-qandê komkiştenî 6 hezar ewro pere dayê Omer Guney’î. Rexmê belgeyanê delîlê sûc yê dewleta Tirk, dewleta Fransa hetanî nika, dawa nêda destcikerdiş û komkişten roşnî nêkerd.
NAVENDÊ XEBERAN