Platformê Bawerîyanê Mezopotamya ke mîyanê ci de dezgeyê sey NAV-YEK, FEDA, CÎK, Kongreya Şaranê Mezopotamya tede ca gênî, derheqê qetilbîyayîşê Mam Zekî Şengalî de îzehetêko nuştekî da.
Îzehet de ame dîyar kerdene ke dewleta tirkî netîceyê bi hemkarîya Bexda û îdareyê Başûrî de hêrişê Şengalî kerda û îzehet wina dewam kerdo: “Qetilbîyayîşê Zekî Şengalîyî dewamê ferman û qirkerdişê şarê êzidî yo.”
Platformî dewamê îzehetê xo de dayo zanayene ke faşîzmê Erdogan û Bahçelîyî hêrişê heme şaran û bawerîyan keno û wina domnayo: “Qetilbîyayîşê Atakan Mahîr û tewr peynî zî qetilbîyayîşê Zekî Şengalîyî de dewamê hêrişê barbarî yî. Ma sey Platformê Bawerîyanê Mezopotamya nê her di şehîdanê xo bi rêzdarî vîr anî, ma soz danî ke ma do rayîre înan de şêrî.”
ANF / BRUKSEL