RENGÎN AZÎZOGLU/ JINNEWS/XARPÊT
Erdlerzê Xarpêtî de zaf hûmarî de tax zirar dîyî, nê taxan rê yew zî elewîyî ke zaf cuyenê taxa Fevzî Çakmak Yildizbaglar a. Na tax de welatijê xo keyeyê ceman de sitar kenê û xo bi xo debara xo kenê. Welatijê elewî aşkera vanî ke ê elewî yê û misliman nîyê, no ser zî erdlerz de tewro peynî înan do xelas bikerdinê.
Îsyan Guler vat ke a nika bi zerrîdar keyeyê cemî de xebityena û wina vat: “Rojê erdlerzî ra nika keyeyê cemî ma aktîf o, zaf hûmarî de extîyar, ciwan û doman manenê. Cayê ma hîna bi zexm o. Ewta cayê ma sitarî yo. Hetkarîya HDPî sey ke înan rê ameyo tepa erşewenî, heqê înan çin o hetkarîyan tepa bierşawî. Ma do yewbînan rê wayîr bivejê.”
Nurten Eken zî aşkera kerd ke hetanê nika qet hetkarî nêgirewtê, keyeyanê înan heme zirar dîyê û no ser zî keyeyê cemî de manenê, werakna çadir bidaynê înan.
Fatma Kaya wina domna: “Demê erdlerzî her çik kay kerdinê, nêçare ma zî destpê kerdişê duayî kerd. Peynî ma ameyê keyeyê cemî. Ma nêeşkenê keyeyanê xo rê bikewê. Hetkarîyan bi heqqanîyet vila nêkenê. Ma çiqas ewta bimanê, ma nêzanê.”