Vîzer rojê zimanê dayî bî. Ez fikrîya fikrîya ma va no çi halo û no çi derdo. Ma çira wayîrê xo û ziwanê xo nêvejîyenê. Dinya qey çand û ziwanê xo mirena. Ma qey ziwanê dişmenê qiseybikeri û ma kewnê vazdayîşî. No qey ma şermêk zaf girano. No qey ma merg o.
La ma nêzanê ziwanê tirkî hetê çend armenîyan de ameyo viraştiş. Mustafa Kemalî, armenîyê sey Agop Martanyan, Stefan Gurdîkyan, Kevork Şîmkesyan, Bedro Paşa, Hrant wezîfedar kerdî. Vato gera şima qey ziwanê tirkî verê cû yew alfabe hadre bikerêne. Dima ra zî şêrê Kurdistanê vateyên kurdî kombikerêne û qeyd bikerêne, sey tirkî bikerêne ferheng. Înan zî eynî hina kerdo. Verê cû tirkan ra alfebeya latînî viraşta. Dima ra şîyê Kurdistanê dew dew gêrayê û vateyê kurdî kom kerdî. Kerdî ferheng û sey vateyê tirkî nîşandayê.
Mustafa Kemalî pê na alfebeya latînî hem eleqeyê kurdan tarîx û îlm, mektebê kurdî(medrese û dergah) ra birnayî. Ziwanê kurdî zî sey ziwanê kem nîşanda yo. Çîyo hina derûnî mîyanê ma de vila kerd o. Şarê kurdî zî çîyê hina ra bawerkerdo. Wayîrê ziwanê xo nêvejîya yo. Heta têkoşîna tevgera azadî destpênêkerdibi, na raştî hina domkerd. La pê tekoşîna azadî ra hem weşanê kurmancî hem zî yên kirdkî(zazakî) zêde bîyê. Kovar, kîtabî zêde bîyê. Nuştoxî zêde bîyê. Pêşkeşêrî(spîker) zêde bîyê.
Tvyan de ekîbê kirdkî(zazakî) estî. Weşanxanê zêde bîyê. La hetêk ra tehluke zî zêde bîya. Çiqas şino kirdkî(zazakî) qiseykerdiş tayî beno. Tutê giranî tirkî qiseykenî. Hetanê dewan tirkî vila bîya. Tîrkî qiseykerdiş sey raverşayîş yeno dîyayîş. No hal qey şarê kurdî qirkerdiş o. Gera şarê kurdî bayîyê desturê dişmen nêvindero. Xora dişmen û neyar wazenê bi wexti ra şarê kurdî qirbekerêne. Neyare ke ZAROK TV biqefilno, pêronê sazîyên Kurdî Der biqefilno, yew armancê eyê neyarî esto, o armanc zî qirkerdişê şarê kurdî yo.
Çîyo ke hukmatê AKP-MHP-Hîzbulkontra Hudapar nika kenî bi temamî wazenî şarê kurdî wertira wederênê. Na yew raştîya.
Gera şarê kurd na raştî bivîno, gore na raştî kurmancî, kirdkî(zazakî) qiseybikero. Bi weno, binuso. Gera yew deqîqe zî bayîyê desturê neyarî nêvindero. Gera yew tutê xo zî nêşirawo mektebê tirkan. Meqsedê mektebê tirkan, qirkerdişê tut, cinî,kal û pîrê kurdan o. Ti eleqeyê mektebê tirkan û raverşayîşê şarê kurdî çino. Tirk hina kenî mekteban bes nêvînenî, qursê ziwanê tirkî zî akenî, nê qursan de zî kurdê ke tirkî nêzanî înan zî qirbikerênê û bikerênê tirk.
Kurt û kurmancî tirkî wazenê, kok û ristimê şarê kurdî ser erdî ra rabikerenê. Gera şarê kurdî hem wayîrê ziwanê xo bivejîyo hem zî kok û ristimê dagîrkerîya tirk, Kurdistanê ra rabikero. Zobî xelasîya ma çina. Xelasî wayîrvejîyayîjê ziwanê û Kurdistanê de ya.