BÎLAL GULDEM MA /WAN
Peynîya tayînê qeyimî qezaya Muradîyeyî ya Wanî, sifte sazîyê cenî ameyî qefelnayiş. Endamê Meclîsî yê Muradîyeyî aşkera kerdî ke Merkezê Ayşe Şane çi heyfo ke qeyim qefelnayo.
Babete ser Hetkara Hemserekîya Şaredarîya Muradîyeyî Rumeysa Gulmez vat ke armancê qeyimî xebatêkê ê weş kerdî nîro dîyiş o, no zî bi sistematîk yeno kerdiş, no zî zilm o.
Hemsereka Şaredarîya Muradîyeyî Leyla Balkan zî aşkera kerd ke seba girewtişê merkezî yew delîl nêameyo nîşandayiş.
Hunermend Şerko Kanîwar zî pare kerd ke armancê qeyiman kultirê kurdan qedînayiş o û wina peynî kerd: “Kultirê kurdan bi sayeya sey hunermendê Ayşe Şane cuyeno. Ayşe Şan nameyê kultir û hunerî yo. Girewtişê merkezî bêtaxamulîya kultir û hunerê kurdan nîşan dano. Nika zilm û zordarîyêkê yenî kerdiş serrê 90î zî vîyartî. Nika bi aşkera tabeleyan anî war. No zî polîtîkaya tersî ya la do armancê xo nêbirasî. Şarê kurd do ziwan û kultirê xo ra wayîr bivejo.”