Her çiqas ke Şaredarîya Çinarî ya DBPyî rê qayûm nêameyo tayînkerdiş zî şaredarî bi hawayo fîîlî hetê Qeymeqamîya Çinarî ra yena îdarekerdiş. Heme qerarî hetê qeymeqamî ra yenê dayîş û qeymeqam şaredarî de vîşêrê 2 cinîyan ti cinîyanê xebatkaran nêverda.
Qayûm ra ver şaredarîya Çinarî sey şaredarîya cinîyan ameyêne şinasnayîş. Nika bi feodalîya xo yena zanayîş û Beşa Mudirîya Polîtîkayê Cinîyan, Komeleya Cinîyan ya Jinwarî û sewbîna heme komeleyî hetê qayûmî ra ameyî padayîş û xebatkarê ci zî kar ra ameyî eştiş. Babete ser o xebatkara Komeleya Cinîyan ya Jinwarî Umran Nare qisey kerd.
AKP 15 serran de waşt cinîyan çinî bikero
Nare qiseykerdişê xo de wina va: “Hedefê ma şinasnayîş û qebulbîyayîşê estena cinîyan bî. Qayûm heme xebatanê ma asteng kerd û ma vila bîyî. Qayûm çinkerdişê cinîyan kerdo hedef. Ma do têkoşîn bidî û her ca de estena xo bidî qebulkerdiş. Hêrişê qayûmî de polîtîkayê dişmenî bi hawayo baş yenî dîyayîş.” Nare wina qedênaye: “Se beno wa bibo, ma do taxan de xebatanê xo bikerî. Ma do vera şîddeto cînsel, îstîsmar, hêriş, fihuş û tecawizî de têkoşîn bidî. AKP îqtîdarê xo yo 15 serran de her wext waşt ke cinîyan çinî bikero. ”
AMED