Mi yew mesela kîtabe APÊ MUSA ANTER de yê bi nameyê “Vakkinameye” de wandibî. Zaf bale mi antibî. Mesela ser yew tutêk Qeyserîyîj û yew çerçîyê cihû(yahudî) bî.

     Mesela hina bî. 

Qeyserî de yew rojêk yew çerçîyê cihû, destê yew tutêk yew elmasê biriqnayî vîneno. Cihû tutî ra vano.

-Nê çîyê bidi mi, ez ne çîyê dana tu.

Tutêk:

-Ney. Ez nêroşena.

-Ez neyî zî bidî tu.

-Nêbeno. Ez nêdana înan.

-Pekala ti çi wazenê.

-Biveji ser na kerayê, sey herî bi zirre û hîrê rayîr vaji “ez hera, ez hera, ez hera” ez elmas dana tu. 

Yahudî qayîl beno.

Ca de vejîyeno ser kerayê û sey herî zirreno û vano,” ez hera, ez hera, ez hera”.

Tutêk huyîyeno û vano:

Lîya lîya Cûhî(Yahudî); “Ti senî bi herbîyayîşê xo zanî no elmaso, ez senî bi însanbunê xo nêzana no elmaso.” Rewşê AKP û CHP sey na meselaya. AKP tutê CHP’ya. AKP mîrasê DP, AP, MSP, ANAP, DYP,MHP dewr girewto. Nê partî zî zereyê CHP ra vejîyayê.  Vanî, “Ha Êlî û ha qer elî”. Rewşê AKP û CHP hinayo.

Wexto ke 15’ê Temuzî de beyntarê AKP û Fetullahîyan de şerê hukimranî bi, CHP şî kiştê AKP de ca girewt. Pîya mîtîng viraştî.  Vejîyayî vat, “no ruhe Yenî Kapî yo.” Kemal Kilicdaroglî û tirşikçîyên eyê pesnê Erdoganî, Erdogan û tirşikçîyên Erdoganê pesnê Kiliçdaroglî danê.  Her mîtîng de nîşanê tirkperestî û dagîrkerîya tirk alê tirk vila kerdenê û leqnenê.

 Wexto ke hina kerdenê, hetê kurdan vatenê derbe merbe zurîya esas hedef şarê kurdî yo û dima ra hetê demokratan o.  Hetta KCK çen rayîrî dazanayîş da wa hemberê derbeyê AKP pêronê demokratan bêrênê têhet û yew bloqê demokrasî bivirazenê. Kes goştarî nîkerd.  AKP va keys no keys o. Verê cû rejîme awartê beyan kerd. Dima ra bin nameyê “bîrnameyê hukme qanunî” de rejîmêk faşîst awankerd. 

Pêronê medyayê kurd girewt. Dest da ser şaredarîyan DBP. Şaredarê kurd tepiştî û eştî zîndanan. Bi se hezaran însanî karî ra vetî.  Serra zî AKP û dewleta tirk şî kewt Rojavayê Kurdistan û Herêma Şehba de dagîrkerî ramna.

Hedî hedî dor ame CHP û medyayê CHP.  AKP û dewleta tirk eşt ser Rojnameyê Cumhurîyet zî... AKP wexto ke hina kerd, Kiliçdaroglîyo tirşikçîyê Erdogan vano, Ey Hawar û Ey Hawar!

Ma Kiliçdaroglî nêzanenê hina bibo. Hol û rind zananê hina bibo. Kiliçdaroglî fek ra hina vano la raştî de Erdogan çi bo Kiliçdaroglî zî hina yo.  Şarê kurd Kiliçdaroglî hol şinasneno. Şarê kurd AKP û Erdogan zî hol şinaşneno. Şarê kurd zana dişmenê serekê ayê şarê kurdî Erdogan û AKP’yîye. Şarê kurd hol zano, Kiliçdaroglî zî senî tirşikçîyê Erdogan yê esasî yo.

Şarê kurd do hemberê hurdîyan zî xoverbido.