Hemşaredaranê DBP yê ke tayînkerdişê qeyûman rê nêrazîbîyen damûsnay aşkere kerdî ke iyê dê bi şarî ra pîya sîyaseta demokratîk biramnê. Hemşaredaran vatî “Ma meterîsanê xo ra fek nêviradanime” û venga tekoşînî day.
Hikûmeta AKP ke OHAL seba xo zey firsed dî û qerarê ‘Qerarnameyê Hikmê Qanûnî (KHK) qeyûman tayînê Şaredarîyanê DBP kena. AKP bi komployê qeyûmû dest nay şaredarîyanê şarî ser ro û hurendîya ci de qeymeqam, walî û qoricîyan bi ca kena. Dûştê xespkerdişê şaredarîyan nêrazîbîyenî ramenê. Weçîntoxan ra pîya Hemşaredarê DBP ke nayî rê nêrazîbîyen damûsnenê aşkere kerdî ke ê qeyûmanê tayînkerdî nêsilasnenê.
Na bêhiqûqî qedîneme
Hemşaredara Sûka Pîl ê Amedî Gultan Kişanak, qeyûmê ke ameyê tayînkerdî zey derbe biname kerd û vist vîrî ke cîya zewbîn biname kerdişê nayî çinyo. Kişanak aşkera kerd ke tayîna memûrekê dewlet yeno maneya „Ez îradeyê şarî nêsilasnena. Ez dest ronena ser rayveberî“ û vist vîrî ke na kerden nika hetê AKP pratîk de ya. Kişanak aşkere kerd ke qeyûmî dê şirê, cîya rayekê bîn çinîya.
Hemşaredarê Sêrtî Tuncer Bakirhanî zî da zonayen ke meseleya qeyûmî wextekê derg o yena munaqeşekerden û qeyûmî zey derbeya dûştê îradeyê şarê kurd hesibna. Bakirhanî vist vîrî ke şaredarîyan açarnay qereqol û girotxaneyan û da zonayiş ke şarê kurd qeyûman nêsilasneno. Bakirhanî aşkere kerd ke ê dê na bêhiqûqî biqedînê.
Meterîsanê xo ca nêverdanime’
Hemşaredara Êlih Gulistan Akel zî hayr ant tewrê şarî ser û da zonayen ke şar qeyûman qebûl nêkeno. Akel vist vîrî ke iyê dê dûştê qeyûmî têkoşîna hiqûqî bidê ramiten va: “Beno ke na polîtîkaya dewlet a. La amûrê qeyûmî derbeyekê lejkerî ya. Qeyûmî dê şirê.“
Hemşaredarê Şirnex Serhat Kadîrhanî zî ard zon ke qeyûmê dûştê Şaredarîya Hezexî damûsnenê ke nê polîtîkayî dê dewam bikerê û va ‘wa bîro zanayen ke ma dê meterîsanê xo ca nêverdê.’
DÎHA /AMED