Serekê Sendîkaya Kedkaranê Xizmetanê Îdareyê Herêmî yê Heme Şaredarîyan (Tum Bel-Sen) ya ke girêdayîya KESKî Omer Salîh Erolî zîyaretî de qisey kerd û îzah kerd ke hukmatî çim visto şaredarîyan û nika bi tayînkerdişê kayyuman dest roneno şaredarîyan ser. Erolî va ê zî vera vindertişê nê muameleyî şaredarî zîyaret kerda û wina dewam kerd: “Teşebusê derbeya leşkerî ya rêxistina terorî ya FETOyî ra dima her ca de seydê cehduyan dest pêkerdo. Herême de zî kenê ke dest ronê îradeyê şarî ser. Şaredarî îradeyê şarî yê û hemşaredarî zî bi rayanê şarî ameyî weçînitiş. Ma tayînkerdişê kayyuman raşt nêvînenê. Wina yew muamele demokrasî rê derbe yo."
Dima ra Hemserek Gultan Kiaşanke qisey kerd, zîyaretîya Tum Bel-Senî ver keyfweşîya xo îzah kerd, îradekaranê Tum Bel-Senî rê sipas kerd û wina va: “Her kes vano qey tena hemşaredaran wezîfe ra gênê û herinda înan de kayyuman tayîn kenê. La ma zanê ke bi tayînkerdişê kayyuman dest ronenê pêrune şaredarî ser. Yew çîyo ke bi Qanunê Bingehînî bîyo bi Qerernameyanê Hukmê Qanunî orte ra nêno wedaritiş. Çîyê ke benê meşru nîyê.” n AMED