Teşebusê derbe ra dima bi îlankerdişê OHALî çarçeweya Qerarnameyê Hukmê Qanûnî (KHK) de xeylê akademîsyenî amebî îxraçkerdiş. Heta nika pêro pîya 17 KHKyî ameyî îlankerdiş. Tewr peynî bi hûmara 686î de KHKyêko bîn ame îlankerdiş û netîce de 330 akademîsyenî ameyî îxraçkediş. Mîyanê nê akademîsyenan de Necla Kurula ke verê cû îmze eştbî vilaweka aştîye zî esta. Babete ser o Necla Kurule qisey kerde.
Kurule va ‘mehneya îxraçkerdişî îmzekerdişê ma yê vilaweka aştî ya’ û qiseykerdişê xo wina domna: “Ma vilaweke reyde vatbî ke ‘ma do nêbî ortaxê sucî’ û ma kerdişanê AKPyî rexne kerdbî. Labelê vilaweka ma îdeolojîyê înan eciz kerde. Nika çîyo ke yeno kerdiş qirkerdişê entelektuelî yo. Ma nika zî surginê akademî bîyî. Ganî ti kes nêterso, birîndar nêbo û nêmiro. Wa îxraçbîyayîşê ma zî xêrin bo.”
ŞÛJIN/ENQERA