Bernameya panelî semedê şehîdan rêzgirewtişî reyde dest pê kerd.
Hesab nêameyo dayiş
Serekê Federasyonê Yewîtîya Elewîyan ê Almanyaye (AABK) Huseyîn Mat qalîkerdişê sifteyîn de ard ziwan ke hîna zî hesabê kesê ke Dêrsimî de cuyê xo dayî, nêameyo dayîş û wina vat: “Lazim o hesabê qirkerdişê inasarênan, verîya mehşerî bêro perskerdiş. Çi heyf ke qirkerdişê ke heta nika Anatolyaye de amey kerdişî ra ma verpersek gird nêdayo. Nika lazim o dijî nêy hêzan ma bibî yew û têkoşîn bidî.”
Ma Hîna zî cuyenî
Wekîla HDPe Edîbe Şahîn ciresna ke zîhnîyeto yewpawitox hîna zî cuyeno û wina vat: “Finaka nêyî ya tewr peynî Cizîr, Gever, Farqîn, Nisêbîn û sewbîna cayan de yeno dîyîş. Wextê Qirkerdişê Dêrsimî de keyna û cenîyê ma sero qirkerdiş û asîmîlasyonekî gird amey kerdiş. 7’ê Hezîrane ra dima goristan û cemxaneye ma amey bombekerdiş. Dijî nêy qirkerdişan de ma do pêameyîşê xo yê komelkî, bi rixne û rixnedayîşî awan bikî.”
Wayir bivejê
Şaredara Akdenîzî Yuksel Mutlu zî bal ant ser muhîmîya akerdişê arşîvanê dewlete û vat ke ma nika qirkerdişo ke gird cuyenî û lazim o Dêrsim dijî nêy qirkerdiş û asîmîlasyonan vero bivindo. Mutlu ciresna ke senî ê şehîdê Kerbelaye vîrî nêkerdo se, ê do Dêrsim û Seyîd Rizaye zî vîrî nêkî û nêdî vîrakerdiş.”Tewr peynî zî nuştox Haydar Işik vat ke ey ke wazenî hesabê Dêrsimî bipersî, lazim o wayîrê Kobanêye bivejî. Bernameya panelî bi deyîrê hunermenda Zeynep Enhaş ê kirmanckî û pers-verpersan reyde xilas bî.
ANF/STUTTGART