Şarê ma yê qirkerdişê Dêrsimî bi nameyê tertela Dêrsimî anêy ziwan. 78 serrêy tertelîyî qedîyay. Kirmanckî de mana ‘terteleyî’ tertûlêy ke darê mazîyan wenêy û qedînenê ra girotêy. Bi tirkî zî ey heywanî ra vanêy ‘tirtil’. Şar zî semedo ke koka merdiman ardêy ra vato ‘Tertele’.
Terteleyê Dêrsimî, bi qirkerdişê Agirî-Zîlanî, dîktatorîya bûrjûwa komara Kemalîstan, helqa qirkerdişê diyin verbê şarê mayê kurd viraşto yo.
Derdê Mûnzûr û Zîlanî yew o
Semedo ke Çemê Mûnzûr û Zîlanî ra bi aşman awî mîyan de gonî herikyayo û sûr bîyo ra qedara wirdinan zî eynî yo. Tertela Dêrsimî k 78 serran pey xo de ternayo. Hewna zî Kemalîstêy ke wazenêy qirkerdişan bikerêy estêy. MHP, Partîya Vatan ya Perînçekan û CHP semedo amayişê netewa tirk hewna zî bi hawayê bêperwazî wazenêy ke qirkerdişan bikerê ra fikiran erzenêy meydanî. Ewro AKP verbê raqîbê xo CHPî terteleyê Dêrsimî karneno. No zî yeno mana ke arşîvê dewletî nîno aşkerakerdiş û ne zî bi temamî verbê qrikerdişî vejîyeno. Çepê ci ewro vejyayo meydan ke AKPî DAIŞ bi rêkûpêk kerdo û qirkerdişê Kobanî û Şengalî dayo dest pêkerdiş aşkerayo û raşteya ney bi her hawayî vejîyayo meydanî. Serra 2011’î de semedo herîşê şerî verbê Sûrîyeyî pêk bîyaro ra tezkere vetiş berhemê Erdogan û Davutoglu bi. Çîyê ke waştî bikerêy ya sifte şarê Rojawa pelixnayiş, eke Rojawa zey înan nêkerdêy se qirkerdiş viraştiş bi.
Wazenêy terteleyan binimnê
Mezhebê Erdoganî Neo Osmancîtîyî de, zereyî ra û herêmî de bawerîyê elewîtî, êzîdîtî û şîîtî verbê xiristîyanî daşerkerdiş, bawermendan şerî verî ra dakoçkerdiş û herîşê înan dakerdiş o. No zî dayo eysayiş ke polîtîka qirkerdişî hewna teze tepêşenêy û fikrê înan de hewna zî esto.
Hetê bînî de, hukûmat dewletî zî giroto destê xo, şikyeno generalê ke biwazo bieşrawo zîndanî zî, la semedo ke qetilkarêy Gurgum (Mereş), Çorum, 1 Gulan 77 û serrêy 90’in ke faîlê înan belîyê bi hawayê goreya xo serê ci girote tepêşeno û zey Demîrelî wazenêy ke dewam bikerêy.
Erdogan zî qirkerdox o
Ma şikyenê derg bikerêy, Gezî de biryara qetilkerdişê 7 canê ma zî Erdoganî da. Roboskî de 17 doman 34 kesêy mahsûm bi bombeyê teyaran qetilkerdişî zî Erdogan da. Semedo ke DAIŞ Kobanî ra bivejyo bişêro hetkarî da û verbê DAIŞî şarê ma yê vakurî berxodayişê gird da de, destûra qirkerdişê 40 merdimêy ma zî û yê ke hîzbilkontra ked faal zî Erdogan bi.
Heteke ra Erdogan verbê CHPî terteleya Dêrsimî karneno heteke de zî bi xo qirkerdişan virazeno û wazeno hewna zî bivirazo. Belîyo ke Erdogan zî CHPî ra cêr de nîyo û verbê qirkerdişan de nêvinderto. Hetê bînî de, Erdoganî qirkerdişê armenî, pontos û suryanîyan qebûl nêkerd zî bi xo yo.
HDP şaran ra xizmet kena
Heteke bînî ra HDP xebatêy xo mîyan de hezêy demokratîk kom kena ke verbê qirkerdişêy ke beno ke bibêy û verbê qirkerdişêy ke bîyê de têkoşîn bidêra hadretî kena. HDP bonê heme hêzêy ke verbê pergalêy ke wazenêy şaran qir bikerêy de aktîf kar kena ya.
Şarê ma, bi taybet zî şarê ma yê elewî ke ewro textê nîşana Erdoganî yê, lazimo ke bi di destêy xo semedo ke HDP weçînayişî de zaf serkewte bibo û bişikyo ke verbê qirkerdişan de vengê xo hewna berz bikera ra, seronteyê hezêy HDPî de cayê xo bigerêy.
Bi HDPî hesabê înan xeripyeno
Şarê ma yê elewî, zanêy ke Dêrsim merkeza bawerîyan ra yew a. Qirkerdişê Dêrsimî 78’êy xo pey de terna. Lazimo ke elewîy hêza xo xurtir bikerêy û verbê Dîktarorîya Erdoganî vengê xo biderêy HDPî ke bişikyê hesabê terteleyî û qirkerdişêy manevîyatî ke pêk ardêy bikerêy ke hesabê serdestan xirabê bikerêy.
Bi şîara ‘ya barbarî’ ya zî hetê şarê xo cagirotişî terteleyê Dêrsimî ma şermezar kenêy. Ma veng danêy şarêy xo ke wa weçînayişê 7 hezîranî de hetê HDPî cayê xo bigerêy. Encax ma bi ney hawayî resenêy vİîrardişêy bi 10 hezaran canêy ke ma vinî kerdêy.
HDP verbê qirkerdişî ya
Ewro semedo ke terteleya Dêrsimî bivejyo meydanî ra yê ke têkoşîn dana HDP ya. Waşteyê ci yê demokratîk û şoreşgerî vejeno meydan ke demokrasîya raşt û heqîqetî vetiş karê HDPî yo. Waşta û wazena ke dewlete û hukûmat bi qirkerdişêy ke kerdê ra bêrêy rûbirû ke rastî bivejyo meydanî. No zî semedê şarê ma hewna demokrat û girêdayê raşteyî bibo ra rayîreke weş o û HDP ney rayîrî de israr kena.
Tikey hezêy şoreşger ‘qirkedişî’ namekerdişî de teredut kenêy. No zî îfadeya înan a nêresyayişê demokratîkbîyişî ra fam nêkerdê yo. Şarê Rûsyayî parkerdişê 2’yin yê emperyalîstan de 20 mîlyon şarê
Rûsyayî qir kerd. No hawa ewnîyayiş têkoşîna polan û antîfasîst ra nîyo? Komunîzmêy Endonezyayî têkoşîna xo de bi destê qirkerdişê faşîtêy Suhortoyî, 800 hezar canê xo vinî kerdîy. Çira ma nêşikyê nînan ra bivajêy qirkerdiş o. Lazimo ke teberê têkoşînî de vîjdan zî ney qebûl nêkero.
HDP semedo ke qirkerdişîy nêbêy û vîjdanê kesî wa medejo ra ewro têkoşîna xo bi her hawyî dana û xebatêy xo dewam kena.